【團結的香港人Great HongKonger】

Quest

【團結的香港人Great HongKonger】





案發時間：1/1/2019 2:56am
案發地點：荃灣

我除夕夜睇完戲
等小巴返屋企
我條隊大大話話排緊4-50人

一上車 暗角位攝咗個阿姐出嚟
後面位哥哥就同司機講：個阿姐打尖喎～
司機好大聲：排隊呀！
普通話阿姐：我有呀。
司機勁激動：望住你打尖啦，後面排緊咁多人你見唔到㗎？
呢度係香港，唔係大陸，落返去排隊啦！

（我內心拍緊手掌）
估唔到阿姐塊面皮咁鬼厚
唔肯落車仲嘟八達通衝去搵位坐

司機熄匙：好呀，你唔落車，我唔開車。
阿姐扮慘： 我不怕你们！
全車人好團結：落車啦你！
阿姐： 你打我呗！
佢隔籬位肥哥仔：冇人打你呀，你落車就得㗎喇。
阿姐：我头痛呀！
肥哥仔：你坐喺度我仲頭痛呀！

擾攘咗一陣 隊尾已經排到勁遠
成百人喺度等個阿姐落車
開始有人話報警
司機就屌個阿姐日日都打尖

呢個時候
肥哥仔一手拎咗阿姐手上部電話
衝落車放喺地下（我笑到停唔到）

阿姐： 我手机呢？！？！
肥哥仔：車出面呀，去拎啦。

阿姐要喺小巴同手機之間做選擇
佢兩樣都想要 所以唯有企喺車門樓梯
係咁大叫 又唔夠手長去拎電話

阿姐發癲：把手机还我！
肥哥仔：收皮啦你，自己去拎啦。

真係精彩過我睇戲
最後阿姐迫住要落車執
佢離開架車嗰刻 司機極速撻匙開車
阿姐轉身粗口都講唔切
我哋已經掰掰佢條尾Lu～

#肥哥仔好嘢
#青衣L萬歲
#正氣司機我都好耐冇見過
#新年好開始
#啲簡體我好用心去GoogleTranslate㗎
See Translation