本帖最後由 cunningchu 於 2011-4-26 13:14 編輯
諗住容易租出去, 咪俾租客俾半個月租當作寵物damage的費用; 另外, 由於個apt係新起的, 我地亦要求租客俾半個月的租金作為保証金, 以防佢整爛間屋.
呢對potential租客黎睇屋時, 已經同我地講有隻貓, 我地原先諗住俾租客養狗, 驚貓會抓爛門, 牆, 大小二便會好臭等,但係反口好似唔係咁好. 諗住算啦...佢唔肯落男朋友的名, 我都覺得唔對路, 但又好似係人地的事, 問又好似唔係咁好...最後先發現佢的支票地址全部係alberta, 但佢搬左落BC成兩年, 再發現佢人工好吃力租我地間屋...佢老闆(我地估佢係自僱人士)話幾個月後會再加佢人工...所有野加埋先令我地起疑心...
長話短說, 我地退返佢開的所有支票俾佢地, 個鬼妹最後搵佢的男友代收, 完全無出現過, 但個鬼仔好好禮貌, 個樣好似好慘咁...但我老公話唔好心軟, 唔係到時佢地搬左入黎唔走, 我地仲煩.
不過, 經過黎次screen住客, 我地學識原來要預俾張form俾個租客填資料, 然後再跟據資料查, 唔好摛摛青收人訂金先去查 (今次都好彩, 對鬼無發爛渣), 另外要問清楚佢做咩, 做幾耐, 幾錢人工, 依家住的地方住左幾耐等等...唔好怕唔好意思...仲有我地決定唔租俾養貓的人, 狗仔的話, 要睇下咩狗...收的期票, 要對方寫早幾日, 以便銀行需要3日去hold票...等等....
諗起頭到大哂....但唔租出去又唔得...依家又要重頭黎過...
原來租屋俾人係一門好大的學問.. |