|
 
|
[茶餐廳] 惠顧太古廣場太古美食均送火氣一肚及蚊滋一隻
事發响前日（4.19.2011）約下午二時
我同老婆: 「唔該一碗豬排擔擔麵、一碗香妃雞湯米，同三只風沙雞翼吖。」
疑似老板娘: 「冇晒香妃雞嘞。」
「咁唔該有冇鹽焗雞呀？」
「都冇嘞！」
「.... 咁有啲乜嘢雞呀？」（因為老婆想食雞）
「貴妃雞啦！」
「咁好吖，就改貴妃雞湯米啦唔該。」（雖然唔知香妃同貴妃有乜分別）
咁我哋就响佢前面第二張枱坐低咗嘞。點知冇幾耐....
「冇晒米粉喎，改河粉啦！」 （佢又知我哋唔介意食河粉？）
「吓？！咁有冇米線呀？」
「都冇嘞！」
「....咁唔該俾返錢我啦，可唔可以乜都唔要呀？」（已經越嚟越嬲，乜鬼都話冇，但係除咗佢，得間齋舖，冇第三間開門）
「梗係唔得啦！其他嘢炸咗啦嘛！最多俾返個米粉錢你啦！」 （嘩！乜嘢態度？！）
（真係俾啲錢過嚟...）
我哋心諗，咁點呀大佬？ （佢係女人嚟）
咁我哋問：「你早啲出聲咁我哋咪全部都唔要囉....」
「我知嘅就一早講啦！做生意，你估我玩嘅咩！」
「唔係妳玩，係我哋俾妳玩啫！」 （今次我哋真係慶嘞！於是唔再出聲，响舖前幫佢影靚相，諗住即刻擺佢上網...）
佢見狀有啲驚，就話嘞：「等陣啦，宜家淥米粉俾你嘞。」
心諗： "WTF?...." 咁我好驚訝咁問佢： 「 宜家淥？！？！」 （咁即係本來有米粉，不過唔想做？唔明！）
跟住佢話：「係呀，你俾返啲錢我啦！」
之後等咗好一陣，碗米粉嚟到仲有只蚊滋送添！
我哋同佢投訴都費事，成件事就係咁嘞。 |
附件: 您需要登錄才可以下載或查看附件。沒有帳號？註冊
|
發表於 2011-4-21 01:14
| 
