男人的浪漫［退隠江湖］查良鏞

Quest

男人的浪漫［退隠江湖］查良鏞
查良鏞喺1948年移居香港，由1950年代起，用筆名「金庸」創作咗十幾部膾炙人口嘅武俠小說，包括《射鵰英雄傳》、《神鵰俠侶》、《倚天屠龍記》、《天龍八部》、《笑傲江湖》、《鹿鼎記》等等，歷年來金庸筆下嘅著作都畀人改編為電視劇、電影等，對華人影視文化可以話係貢獻重大，亦奠定佢成為華人知名作家嘅基礎，有人話［有華人嘅地方，就有金庸嘅武俠］嘅講法。
金庸早期喺香港創辦《明報》系列報刊，佢亦被稱為［香港四大才子］之一，之後又同古龍、梁羽生合稱為［中國武俠小說三劍客］。佢重有［查理］、［姚馥蘭］、［樂宜］同［林歡］等筆名 。
退隠後嘅金庸專注於大學論文同佢嘅武俠小說新版嘅修改。由於金庸嘅小說深受歡迎，有唔少嘅文字工作者都提筆撰寫感想、書評，而真正［研究］金庸小說嘅倪匡就提出咗［金學］呢個名詞。不過，金庸本身對呢個名稱就有啲抗拒，認為有高攀專研《紅樓夢》嘅［紅學］之嫌。而喺依家大多數都係統稱為［金庸小說研究］。
金庸一生獲頒榮銜［不能詳列］：
榮譽院士：英國牛津大學、劍橋大學、新加坡東亞研究所
榮譽博士：國立政治大學、香港大學、香港理工大學、香港公開大學、
　　　　　加拿大英屬哥倫比亞大學、香港科技大學、香港樹仁大學、
　　　　　澳門大學
名譽教授：日本創價大學、香港大學、北京大學、南開大學、浙江大學、
　　　　　廣州中山大學、四川大學、華東師範大學、國立清華大學、
　　　　　蘇州大學、吉林大學
終身教授：浙江大學人文學院名譽院長
1981年：大英帝國官佐勳章勛銜。
1992年：法國政府榮譽軍團騎士勛銜。
1998年：香港市政局頒授「文學創作終身成就獎」。
　　　　 香港（及海外）文學藝術協會頒授「當代文豪金龍獎」。
2000年：香港政府頒贈最高榮譽大紫荊勳章。
2001年：國際天文學會將編號10930小行星命名為「金庸」。
2003年：澳門新馬路文化會館開設金庸圖書館。
　　　　 館內藏有中、英、日、泰、印尼文版金庸小說。
2004年：法國文化部法國藝術及文學司令勛銜。
2005年：劍橋大學授予金庸榮譽文學博士名銜。
　　　　 金庸隨即以81歲高齡赴劍橋大學攻讀歷史學碩士、博士學位。
2009年：2008影響世界華人終身成就獎。
2010年：英國劍橋大學授予金庸榮譽院士和哲學博士學位。
　　　　 香港藝術發展局頒發「2009香港藝術發展獎終身成就獎」。
2011年：國立清華大學授予金庸名譽博士學位。
2013年：北京大學中文系博士畢業。

https://www.facebook.com/aManNaPan/videos/650813658638850/