【網民hot talk】有床有微波爐 港媽關西機場「霸」育嬰室過夜
近年Facebook群組出現不少「親子遊」群組，不少人喜歡分享家庭旅遊的著數與優惠，受到不少港爸港媽歡迎，但今日就出現一個港媽的帖文，港媽表示因天氣關係航班未能如期起飛，而在她正苦惱住宿的地方時，發現關西機場的育嬰室有床、微波爐等設備，猶如酒店一樣，所以「霸咗」育嬰室，結果被人猛烈批評，更被截圖至各個群組。
網民Ann Cheung將自己於大阪關西機場的經歷分享，表示自己因颱風影響未能如期返港，原本有平價民宿但因為要趕回香港所以要在機場留宿，直言「霸咗間育嬰室」，更將房內的設備如梳化、微波爐、叉電位置與網民分享，結果被網民起底並轉載到其他群組。
網民點睇
Tze Ben Luke：冇錢就咪去旅行啦，做埋啲核突野仲post出來炫耀
Lam Che Yan Pc：香港人覺得自己攞到著數就好醒架喇
Ken So：影衰香港人系列
Chill Chill Chill：D人成日話大陸人有幾仆街，其實香港人真係無咩分別
Venus Yeung：呢d人真係自私到爆!!你咁樣霸住個育嬰室，咁真係需要用嘅人點呀? 走去廁所餵奶呀?! 好心自己有小朋友就做返個好榜樣啦，仲好意思出post 講到自己好叻咁!!!  |
發表於 2018-8-23 20:23
| 