喪玩iPad iPhone捽殘半邊手 iPhone, iPad

tiffiant

玩iPad iPhone捽殘半邊手
近年iPhone及iPad等「潮物」起高潮，掀起觸控式智能手機及平板電腦熱潮，然而過度沉迷令手指肌肉及筋腱不勝負荷。五十多歲婦人深受平板電腦中的「推金幣」遊戲吸引，每晚豪玩四至五小時，短短一個月便出現手指麻痹及無法握拳等筋腱勞損徵狀，痠痛更延至手肘及肩膊，最嚴重時雙手無法高舉過頭，不只無法做家務，亦影響日常生活，經物理治療師教導舒筋伸展運動及減少打機後才得以紓緩。

tiffiant

50歲女士玩到打止痛針
五十多歲的廖女士一向沒使用觸控式手機或電腦，惟女兒近月購入iPad後，連她亦深受吸引，尤其對當中的遊戲愛不釋手，「特別沉迷入面一個推銀仔遊戲，晚晚至少玩三個鐘以上，最犀利嗰次連續玩咗四、五個鐘。」惟約一個月後，她發現手指開始出現麻痹無力等徵狀，尤其以拇指的痛楚較明顯，「朝早瞓醒發現啲手指好硬同屈唔埋，握唔到拳同做唔到『虎爪』，最嚴重時直情覺得啲手指好腫好脹，痛到標眼水，做唔到家務，要去搵醫生打止痛針，但都治標不治本。」痠痛感更蔓延至手臂、手肘及肩膊等相連肌肉，令她一度無法舉手過頭，連梳頭亦有困難。


廖女士長時間以平板電腦打機近一個月後，手指麻痹無力至雙手無法握拳，更痛至要打止痛針。 （伍鎮業攝）
廖女士其後向廣華醫院物理治療部求診，經物理治療師教導正確姿勢及伸展運動後，徵狀逐步改善。她自言現時每晚打機時間已大大減少，雖然仍每晚玩約一小時，但一有時間便會做手指舒展運動，現時手部肌肉及關節已再無痠痛。廣華醫院物理治療部部門經理馮振威指，類似廖女士的個案並不罕見，外國研究顯示，手指重複用力活動一分鐘，已會感到疲倦，若連續活動十分鐘，更可能令手指、手肘甚至頸項勞損，建議市民不宜長時間使用此類電子產品，每使用一段時間應稍作休息，及做一些手指及手腕伸展運動。

不同動作引發多處發炎
骨科專科醫生林國基指出，文職及行政人員常用觸控式手機或電腦，引致勞損的問題十分普遍，更會引起筋腱發炎、腱鞘炎、滑囊炎等症。他強調問題並不在於科技發展，而是人們過度沉迷，不斷做出重複性動作引致勞損，「好多病人每日花十至十二小時喺呢啲微型機器，用咗人生一半時間，以前流行嘅黑莓手機、iPod，依家流行嘅iPhone、iPad，使用時動作唔同，有機會令唔同部位發炎，有時唔單止影響手指，連手㬹、肩頸都會勞損。」

他又指，使用此類電子產品時，若長時間耷低頭會令頸脊過分受力，「吊起」手㬹可致手腕筋腱發炎，膊頭前傾更會影響背部，處於發育時期的青少年更應適可而止，否則長期姿勢不良可致寒背。

tiffiant

廖女士長時間以平板電腦打機近一個月後，手指麻痹無力至雙手無法握拳，更痛至要打止痛針

關小姐（大專生）：「個電話新買嘅，用咗幾個月，未試過手指痛。平時搭親車都會用半個鐘玩遊戲同send（傳送）短訊，如果用得多會令筋腱有事，我會少少驚，惟有玩少幾鋪遊戲。」

用者無懼
李先生（學生）：「差唔多日日都send百幾個短訊，下載咗十幾個遊戲，所以成日都拎住個iPhone。淨係聽過用得多會生瘡，冇聽過會筋腱痛，但無論點都唔會停用，因為成班同學都用。」

曾小姐（時裝店店主）：「用咗iPhone系列嘅電話三年都唔見有事，每日send廿個短訊左右，成日都要用陰力按螢幕，但因為太方便，除非我有一日真係用到有『媽媽手』同『彈弓指』先算啦！」

Catpiano

That lady .. her finger is too fat la..

tiffiant

hk people are like that
they addicted to new things