香港浸會大學.

Quest

錢大康之野心何止推普？自普通話畢業門檻抗議事件後，錢大康鮮有接受傳媒專訪，但就喺信報唯一一篇專訪，揚言大學不可以堅持粵語教學。
佢話：「大環境變了，大學也得跟着變，比如教學語言，如果只堅持用廣東話教學，那可能就收不到大陸學生（除了會粵語的），學校就不是國際化了。每一任校長都不能一成不變，由A變B，最緊要知道B是什麼，才能向前邁進。」
咁點解「收大陸學生」就係「國際化」？除非你信錢大康撐香港獨立，否則即係亂噏一通，話知你死，總知我大晒。
一年之前，錢大康想改動浸大教學語言，借山神搞撤普公投後搞「大學語文政策檢討」，諗住大幅減少粵語教學。幸有陳士齊老師挺身而出，同山神聯合收集逾五百簽名，準備發動公投，校方先派出高層談判，承諾唔會改變既有課堂語言，咁先作罷。
估唔到校方出爾反爾，一年之後更加猖狂，先有陰死七成豁免試學生，再將同學停學。如今睇錢大康最新訪談，就知「普通話檢討」根本就係廢，浸大只會變本加厲，師生嘅苦難陸續有嚟。