我減左差唔多五十磅！

仲有一次營養師既 appointment ，我的減肥療程就完成啦。

生左ＢＢ後返香港參加左呢個 program，一月返番黎溫哥華開始減到上個月，我一共減左差唔多五十磅，由加大碼衫著到依家著細碼衫。

我覺得個 program 好掂，一星期見營養師兩次，因為營養係香港，我既所謂見係同佢通電話。佢教我食野，一Ｄ都唔會肚餓。我可以照去飲茶，ＢＢＱ，打邊爐，食日本野，食 buffet，鋸扒，連公司Ｄ想減肥既同事都驚訝我食咁多野但都仍然可以減到。營養師好專業，有時我唔乖佢會話我，又會鼓勵我。有佢監住我食野，比我好有動力去小心飲食。食左八個月營養師教我食野既方法，胃口清左，成個人健康都好左好多。

美容院做機我以前試過，根本唔 work，好似 dump錢入海，搵笨。最天然既方法莫過於健康飲食同做運動，營養師就係從咁既途徑教我。佢知道我咩野原因中途磅數唔落，會教我煮咩野食物食會可以再落得到。有時我半信半疑咁跟佢教既方法，又真係得左！就連 body fat 都減左 20%，真係好有效。

係加拿大要搵營養師跟要好貴，我join呢個 program，如果要減十磅約三個月時間大約港幣六千蚊左右。我因為要減成五十磅，營養師跟足我九個月都只係萬二蚊港紙，平過晒係加拿大減。我舊老細係溫哥華搵西人營養減左八十磅要加紙五千蚊！

我係我公司出晒名，因為全公司既人睇住我瘦，就連最大粒既老細都問我上司我用咩野方法可以減得咁掂！

如果你放假諗住返香港行下，你可以考慮下參加呢間公司既 program。間公司英文係"M"字頭，中文係"米"字頭。我唔係幫佢地賣廣告，只不過覺得原來參加香港既減肥 program都行得掂，又唔太貴，可以比多個選擇比各位想減肥既老友記。