|
|
香港除左樓價屢創新高之外﹐最多人談論都應該係"80後"﹐"高鐵"﹐同"陳巧文"。
話說大C姐都係80後﹐但係算唔算典型香港80後就見人見智啦。我先唔好講我對高鐵嘅立場﹐因為其實我覺得我又無咩資格發表咩意見。不過﹐我又好明件事點解會咁爆。當然啦﹐80後面對嘅問題已經係過去十幾年會歸後一直濾積。由母語教學﹐四改三﹐三改四﹐到副學士升學問題同社會出現一大班"雙失青年"可見。呢一批人其實已經飽受香港政府政策上嘅失誤。
今時今日﹐80後大部份已經畢業甚至已到適婚年齡﹐眼見條路越嚟越難行。揾工揾唔到﹐揾到又俾人壓價﹔想買樓又發現上車無望。眼見自己生活困難但係政府完全莫視之外更多次公然偏幫大發展商﹐當然係不是味兒啦。其實發展高鐵﹐對任何人都無直接壞處﹐但係卻對某小圈之有極大好處。所以一般人都覺得高鐵會對香港有好無壞嘅同時﹐呢班80後覺得今次又係一個官商鉤結嘅好例子。
本來大數人都唔係好知點解80後咁大反應﹐但係自從殺出一個o靚模一樣嘅陳巧文又令件事有戲劇性嘅進展。突然間香港多左一份白色恐佈。除左出街要防強水之外﹐又要驚留喺屋企嘅父母無啦啦俾人"週"。最令人詐異係一個懺瘦嘅妙齡少女喺一群武裝警察制服後竟然被告襲警﹐令呢件事掀起高潮。本來對政府唔算係徹底失望嘅市民﹐今次對警方嘅舉動都覺得心寒。
-- 追緊"官"心計嘅大C姐 |
|
發表於 2010-1-13 22:00
| 
