|
|
今次開題係因為唔想霸左另一條thread﹐又唔想off-topic﹐所以覺得可以以個別例子做一個topic。
心水清嘅蛋散都應該知我係想講有關<加拿大人的生活方式>裡面大家嘅應對。老實講﹐做左幾十年人(雖然都係80後)﹐平日可能聲大大﹐一貫浪女作風﹐但係我都有不溫不火嘅時後。有時我都會跳出嚟用第三身去睇一件事。
首先﹐我唔係要開罵戰﹐只係想去re-visit某部份dialogue﹐評一下理﹐唔好單方面去覺得自己岩晒先。我諗Little Prince應該唔會入嚟睇啦﹐佢眼中我絕對係一個癲婆﹐喪﹐痴線嘅蛋散﹐我講嘅嘢一定唔岩聽﹐因為四個字 - 眼中帶刺。
我都唔想多講其實好多人都唔識得自嘲同埋好無幽默感呢樣嘢﹐我先講翻我點解要回Little Prince條題﹐我個人認為﹐本來個topic係絕對無問題。只係道出加拿大人一D生活方式﹐我覺得都唔算係負面。但係越講就越覺得係有扁低加拿大人之嫌﹐舉例﹕
D女仔真係覺得 COACH 已經係好好﹐好貴的袋﹐我沒有甚麼好和他們說的﹐他們又好羨慕我呢樣個樣﹐我真係唔識點回應﹐只識得笑...
睇完呢一段再去翻頭一個post﹐我覺得(我唔知其他人同唔同意)Little Prince嘅出發點其實係想講"普遍加拿大人唔識貨﹐無咩見識﹐咩都笑餐飽﹐睇嘅節目又無聊﹐低級趣味..." 作為一個半加拿大人﹐我覺得好反感﹐絕對offended。如果﹐呢個topic係由一個白人去講香港人生活有幾無聊幾無taste﹐我諗Little Prince一定帶頭炮轟條蛋散。我只係想講幾個字 -- 將心比己。
當然﹐一貫大C姐作風係會俾人覺得mean同串﹐呢個我係從來唔辯駁。但係我亦唔係(從來唔會)去人身攻擊﹐包括以其他人身體或精神狀況作笑柄﹐因為我覺得呢D低莊﹐好小朋友。我講到呢度﹐絕對唔係為自己解話﹐我覺得Little Prince絕對有理由覺得我係一個八婆﹐當我講嘅嘢無到。如果佢真係當我一個嘍囉唔care去回我其實已經贏左﹐我反而會覺得佢型﹐真係做到咩叫大方。但係﹐一有其他人推坡助瀾﹐Little Prince又抵唔到頸加個回馬槍。成件事咪變到好核突囉﹗你一方面大仁大義去話唔想反駁我﹐扮大方要維持論壇和諧﹐但另一方面又好在意我講D咩﹐又俾說話我聽。但係唔夠兩日又鬼拍後尾枕講句﹕
有D人有真係好鬼奇怪﹐明明個 POST 窒的是大C姐...
我覺得你要玩mean﹐玩串就認啦﹐前言不對後語仲肉酸。大C姐向來都以衰格見稱﹐從來無否認過。若然你道行未夠﹐又或者其實都係同道中人﹐就唔該唔好扮大方用"丞相肚裡可撐船"嚟大我啦小姐。
都係果句啦﹐我無諗過當事人會入嚟睇我嘅話題﹐亦唔預計Little Prince一個自稱大人大量嘅高人要為自己辯駁。所為清者自清﹐係咪?
-- 嘍囉C
|
|
發表於 2010-1-30 13:30
| 
