12年人事幾翻身的故事 - 你會留在香港嗎? 人事

大C姐

上個禮拜開個題大家都七嘴八舌﹐好多嘢發表﹐好多interpretation。其實無諗住咁快又開題﹐而且個題仲要咁heavy﹐但係個timing又咁岩遇著剛剛﹐而且其實係因為一隻CD令我忽發其想去諗過去12年發生過D咩事。

話說過去一個周末趁有時間就去執屋﹐順便整理一D唔用嘅嘢準備搬屋。然後揾翻一隻我其中一張最鍾意嘅大碟 - <唱遊>王菲。當然裡面D歌係無out過啦﹐近年依然有人翻唱紅豆。從新一次有頭聽到尾﹐令我回想當年﹐1998年可以話係瀝瀝在目。畢竟﹐97同當代香港人有住千絲萬縷嘅關係。首當其中當然係我哋呢班移左/移過民嘅蛋散。如果無97﹐我諗我哋好多人唔會移民﹐將我哋命運改寫。仲有兩個禮拜又係回歸7月1日大日子﹐又令我諗起回歸後種種經歷。97年﹐唔知係咪托英國佬雄福﹐香港樓市暢旺﹐股市屢創新高。但係之後果12年﹐外憂內患﹐民不遼生﹐大是大非一言難盡...

- 98年亞洲金融風暴﹐國際大鱷狙擊港匯。同年八萬五建屋計劃令樓市一度滑落﹐"負資產"從此成為潮語。另外禽流感將130萬隻雞全數銷毀。
- 99年港股﹐樓價"低處未算低"﹐好多港人一鋪清袋。
- 01年科網股爆破﹐股民再次損失慘重 。911事件令全世界股市雪上加霜。
- 02年細價股股災
- 03年香港最黑暗嘅一年。"淘大花園"﹐"8A病房"﹐"謝婉雯醫生"﹐沙士疫症爆發有血有淚。非典型影響下全面通縮。另外﹐掃把頭高調硬sell基本法23條令人詐舌﹐同年首創7/1大遊行50萬市民上街支持。繼羅文﹐張國榮之後﹐一代舞台天后梅艷芳因子宮頸癌病逝。臨走除左發起1:99音樂會為沙士受害者籌款﹐而且帶病完成演唱會﹐嫁俾舞台。
- 05年香港舉行WTO世貿會議﹐招惹南韓激烈示威者。同年迪士尼啟用﹐吸引度未如理想。因為香港人有份投資﹐政府變相倒自己人米。建華八年因病下台。
- 06﹐07年內地企業紛紛在港上市﹐掀起認購潮。港股市值再創新高﹐人人皆股。曾蔭權成功連任﹐"我會做好呢份工"言論成一時佳話。
- 08年北奧﹐香港無啦啦有份舉辦馬術比賽﹐但係普遍港人對障礙賽同盛裝舞步一知半解﹐香港一眾奧運主持質素亦令人議論紛紛。三聚毒奶事件爆發﹐BB患腎石。年尾雷蔓兄弟破產﹐迷債苦住追究無門。
- 09年唔多講啦﹐全球金融海嘯﹐身家一夜蒸發。
- 10年80後掀反高鐵。




當然以上只係個人當刻諗到嘅highlight啦﹐已經打到手軟。只係回望過去10年好似發左一場夢﹐好多身邊嘅人經歷過高高低低又洗牌再嚟過。到今時今日﹐依然有好多人將兩地作比較。但係相比之下﹐Vancouver真係算好安逸囉。所以我斗膽問一句﹐若然97年你有預知之後12年香港將會遭遇嘅起跌﹐你會想留嚮香港定係都係隔岸觀火?

(雖然係超理性假設性問題﹐但係唔好咁爛﹐淨係打句"如果有未知﹐我就發左達啦﹗")


-- 力求完美大C姐

大C姐

回復  大C姐


    年半前去過北京同上海，妳講o既事例真係見唔少，過o左幾日先開始叫做適應到少少... ...
DragonFire 發表於 2010-6-28 19:35

    但係得人驚嘅事係﹐你去上海同北京已經見到D西人跟住D大陸人唔排隊﹐無秩序啦。因為好多過去工幹嘅西人都知守秩序係無用。偏偏個個蛋散都吹噓大陸點勁點賺錢﹐而家漸漸做左個standard。

點解以前個個都話要有紳士風度唧? 因為以前英國係大國成為好多民族嘅文化benchmark。我哋就嚟要跟住大陸人隨地大便架啦﹗

DragonFire

回復 22# 大C姐


    年半前去過北京同上海，妳講o既事例真係見唔少，過o左幾日先開始叫做適應到少少...

大C姐

我都知做人要公私分明，但係對於PRC政府o既所作所為，實在難以苟同。

中共係一個政治團體，加上係"一言堂" ...
DragonFire 發表於 2010-6-26 01:50

    咩垃圾分類唧﹐今時今日﹐大城市如上海﹐人來人往嘅公園大街都仲有阿媽帶住D仔女隨地大便﹗

若然你去上海搭果D俾民工往返鄉下果D火車﹐包你5日食唔落飯。都莫講話上區甚麼甚麼﹐大城市普遍大眾個品格同衛生意識都不堪入目。Hardware做到幾高科技也好﹐我之前講過﹐中國人要同世界接軌仲有好大段距離。

大C姐

I just got back to Van city, spent the last two days eating drinking shower and reflecting on my tri ...
Ovaltine 發表於 2010-6-25 07:40

    當然大c姐都好同意你所講嘅幾點啦﹐但係香港亦有佢嘅魅力囉。好多人返去之後都唔想再回頭﹐亦好多西人願意去闖一闖﹐確實對某一種人﹐某一個階層嚟講﹐一個安樂窩。

雖然過去12年有喜有悲﹐但係今時今日個個講望向神州嘅時候﹐香港依然有好多條件係大陸比不上。好似大陸人近年好多出國移民﹐但係比香港人失去多好多。好多來自國內嘅朋友﹐而家都要簽證先可以入景﹐而且戶籍又被取消﹐唔似得香港人話返就返咁灑脫。

DragonFire

我都知做人要公私分明，但係對於PRC政府o既所作所為，實在難以苟同。

中共係一個政治團體，加上係"一言堂"，所以佢要維持權力係無可厚非(搵食o者)，但係因為咁樣就可以奪去國內人民o既應有權利嗎﹖

要國內人民對於世界有承擔，談可容易﹖小事由唔將垃圾分類，話之你係咪"綠筒""黑筒"，一切以方便自己為先，冇眼屎乾淨盲。有時真係唔想中國人話中國人，大家血濃於水，但係佢o地身上實在有好多問題連自己都唔去解決，成日就以為呢個世界係欠佢，佢有錢有權就等於可以享用世上一切。呢o的心態......點樣可以改﹖而又點解國內會有咁多呢類人存在﹖係當時人o既問題﹖定係國內社會、教育o既問題﹖始作俑者又係邊個﹖

Ovaltine

We can't just blame it on the PRC government. To be honest, the whole Asia is facing problems of overpopulation, lack of resources, pollution, etc etc etc. Chinese people can get rich all they want, but it is not gonna change these facts. Until we start to use those wealth to face the problems we have today, these problems will just get worse and worse. Basically a rich family from China will come here, buy some houses, wait houses to go up in price, sell it. Nah man, the new way should be, invest in green companies, involved in green community projects, be part of Canadian government (later have an urge to change the world, when come to power.) too idealistic? easier said than done.

DragonFire

我諗自己呢十幾年經歷正正中哂所有highlight~

九八年時，我同一班好朋友番香港發展，咁o岩遇著金融風暴，好彩o既係身邊有人幫到忙，唔太需要面對失業呢個大難題。之後一直睇住香港大起大落，不論民生、政治、環境由九八年到上年我番o黎之間，都可以講變o左八九成。

民生方面，"本地"香港人大部份都因為壓力而無力再理會好多事，情緒好起波動。而o係中共政策之下，每日有數百以上新移民湧入香港，o係呢十年期間"香港人"質素"下降o左好多好多。當時日日睇報紙見到o的倫常事件，朋友同事之間第一個問題會係:當時人係咪又係新移民呀﹖

政治方面，實在無奈之餘而痛心。因為香港人完全唔重視自己手上o既一票，甘心情願去做"順民"。o係香港時可以做o既都已經做哂，但係佢o地對政治o既睇法，仲維持o係好初步o既階段。到近日政改通過，可以話將香港打入中共設下o既佈局入面。有朋友講time will tell，我好贊成呢句，不過唔係放長雙眼o既意思，而係日後到佢o地知道永不回頭o既時候，真係time will tell (you how PRC government's real intention)。

環境方面，到o左難以置信o既地步。九八年番去o既時候，香港有三份之二o既時間可以有溫哥華o既晴空。十年後o既今日，都唔知一年有冇一個月呢種咁好多天氣。最嚴重o既一日到依家仲好記得，當我o係窩打老道行緊o既時候遠望街景好曚，起初以為係大霧，但係再睇清楚原來係haze，係濃到好似大霧o既煙霞﹗如果你o地想知"原凶"係邊個，係就大陸工廠除放出o黎o既污染物囉。所以真係唔明港府成日話點樣減低香港汽車除氣量。突然醒起，香港再好天o既日子有幾個情況: 1)吹南風 (因為海上冇污染物) 2)農曆新年 (點解﹖因為大陸工廠放假囉。只要香港一吹北或偏北風，天氣一定唔好，甚至非常非常差。之前我每個月都會唔舒服而要去睇醫生，依家番o左o黎年幾，一次都未睇過之餘，作病都係僅僅兩次。

講o左咁多，究竟我對香港依家o既感覺係點﹖之前我o既"十年浩劫"，真係夠皮有餘。其實以工作而言，香港發展空間絕對贏哂呢邊。不過，香港依家o既環境、民生、政治，誇張o既講係令我唔會對呢個地方有留戀。番去玩，見朋友冇問題。工作﹖生活﹖甚至生兒育女﹗﹖唔好講笑，呢邊贏到無影......

Ovaltine

I just got back to Van city, spent the last two days eating drinking shower and reflecting on my trip in HK, plan on my next few months. Chilaxing at home, in HK, I wouldn't be able to do this, the home is too small, the air is too polluted, the sounds of traffic on the noisy streets. People in HK think life here is boring, poor them, they never get a chance to stop and think.  Life is good here, no need to fight like a soldier in HK, but HK always have it's good sides. Massages, get to live like king with those Thai/Philippine maid/slaves, lower expenses. I also enjoy people looking up to me since I am from a "foreign country" Nevertheless, I'll take Canada over HK anyday. Hundred of years from now, when people look back at us, a bunch of pioneeers from HK and other overcrowded cities in Asia settled in Vancouver, they are probably gonna marvel at what we created. A new civilization of made of different cultures, I don't want to say we are more elite than rest of the world, but we are definitely richer in wealth.

大C姐

回復  大C姐


    日頭要返工,夜晚要讀書,星期六日要做side job,邊度會有個悶字. ...
auyatyat 發表於 2010-6-21 18:17

我都差唔多.... 忙到甩碌﹐我真係不知幾想無事忙他他條條。一個禮拜開幾晚會﹐我有時間一個人都大把嘢好做﹐做吓mask聽吓歌唔好?