加拿大買樓的故事 - 你喺溫哥華有物業嗎? 加拿大

大C姐

年頭開左個<香港人買樓的故事 >大家都議論紛紛。當初都係因為好多香港80後慨嘆置業困難﹐所以先有感而發。

但係其實住喺Vancouver嘅80後都係同緊屋企人住﹐或者(同人夾份)租地方住。再做少少少research﹐原來情況可能遠比想象中差......


(Quote from 大紀元)

"據國際公眾政策公司Demographia 1月25日的國際房屋承付力調查顯示，加國整體的住房承受能力指數（即房價收入比）比去年上升0.2，目前為3.7。西部大城市溫哥華名列世界住房承受力最差的房市。

Demographia住房承受能力級別分類

評級	中位數倍數（房價收入比）
極難負擔	5.1及以上
嚴重難以負擔	4.1-5.0
輕度難以負擔	3.1-4.0
可以負擔	3.0或以下

按照調查報告的解釋，一個地區的住房承受能力可以通過房價收入比（Median Multiple）測量出來，即由當地的住宅價格中位數與當地家庭的稅前年總收入的中位數相比較而得，比例越高承受力越弱。西部大城市溫哥華的住房承受指數為9.3，不僅是加國住房承受力最差的城市，還名列世界住房承受力問題最嚴重的房市。"

大都市房市房價收入比

城市	2009	2008	變化
Calgary	4.6	4.8	-0.2
Edmonton	4.1	4.2	-0.1
Hamilton	4.2	4	0.2
Kelowna	5.9	6.8	-0.9
Montreal	4.9	4.6	0.3
Ottawa-Gatineau	3.8	3.4	0.4
Quebec	3.6	3.4	0.2
Regina	3.5	3.5	-
SaintJohn,N.B.	2.8	2.7	0.1
Saskatoon	4.4	4.6	-0.2
St.John's	3.1	2.8	0.3
Toronto	5.2	4.8	0.4
Vancouver	9.3	8.4	0.9
Victoria	7.9	7.4	0.5
Windsor	2.2	2.3	-0.1
Winnipeg	3.3	3	0.3
全國中位倍數	3.7	3.5	0.2

早於06年﹐明報已經有類似報導.....

"溫哥華目前的房價之高，市民平均需要每個月工作331個小時才有能力供屋，辛苦程度冠絕全國。如果以加國平均年薪36574.2元來計算，用薪資的30%來付按揭，溫哥華市民每月要工作331個小時才有可能買屋。平均每日要工作11小時，一個月做足30天，完全沒有休息機會。加拿大人的平均年薪為36,574.2元，卑詩平均年薪則為36,633.48元、安省38,736.08元、魁省34,146.32元、阿省39,380.64元。此外，一般人每日工作8小時，每周5天便是40小時，平均每月工作173.3小時，因此，溫哥華的市民平均要比一般人工作多1.9倍才有能力供樓。但如果租屋而不買屋，溫哥華的房屋租金則是全國第2，僅落後多倫多少許。不過就算辛苦工作數百小時，市民也不一定能輕鬆買屋。北美已經出現一種趨勢，一些首次買屋的中產階級若無法一次拿出10%首期，可能連中等價位房屋的按揭審核都無法通過。事實上，全加拿大去年有約50%的房屋交易，首期是在10%以下。整體來說，卑詩省已經出現磁石現象，不僅吸引國外移民，國內的人也不斷移居本省。由於目前按揭利率仍相當低，他預測明年溫哥華房價仍會呈現穩定上揚趨勢。"

返轉頭再引述一個親身經歷﹐聽首歌先﹐





- 待續

samsung

大C姐

講個故事俾大家聽。

咁我識得一個人，唔講邊個啦，咁喺香港一直有生意，咁喺８０年代就諗住expand北上設廠（大陸都有門市但係唔係主攻）。一人好難分身兩邊，咁好自然就派一個香港同事做大陸跑腿（當然有分紅俾佢，亦都係熟人）。咁個老闆就專注香港接生意同香港嘅廠，只係間中上大陸做啲文件嘢。

話說呢個跑腿就自己接job，用盡晒工廠嘅資源但係錢就自己袋。佢都好醒，如果你叫啲工人做自己接job嗰啲嘢，咁個老闆上嚟啲工人唔知頭唔知路可能爆咗出嚟都唔定。而且啲工人係包薪，如果知道個跑腿俾啲工作都唔係公司嘅可能會扭計或者向大老闆投訴。亦冇可能自己出去情啲工人放入公司做自己嘢，咁又太揚啦。

呢位跑腿呢就問啲工人有冇興趣加班，加班工錢就係段件計（即係類似打自己工咁計）。一來，啲工人覺得可以搵多啲錢一定唔會say no。同埋如果有咩唔咬弦，啲工人都唔會報串俾大老闆聽因爲佢哋係＂秘撈＂。

咁當然呢個跑腿賺到笑啦，一來佢無本生利，公司生意好甚至連＂加班錢＂都可以charge埋俾公司，就算自己要俾人工錢，都係on top of包薪嗰啲先要俾，數目唔會太大。變相後期係同老闆爭生意，咁你唔洗overhead你當然可以收平好多。如果佢係接少少job當外快其實可能呢世都冇人知，但係人係貪得無厭，當你有少少甜頭就會想有風駛盡利。亦因爲咁狼死當然令老闆起疑心。

咁但係呢啲嘢未有真憑實據之前又唔想打草驚蛇。如果個老闆突然成日上大陸就盲都知佢想查呢件事啦，個跑腿亦都會做定工夫唔會有證據俾你睇啦。老實講啲貨一出咗門口你都幾難check。咁個老闆一來心軟啦，二來個生意真係因爲咁唔係好做得住，三來當時個經濟又有啲回落。咁喺冇辦法嘅情形之下就打算放棄大陸間廠，決定放盤。

其實喺大陸放盤有一定難度，一來你未必喺同一個地區搵到想開同類工廠嘅投資者，二來當年嘅地又唔係好值錢，你攞嚟做其它嘢不如搵塊地自己再起過。放盤一段時間都賣唔出最後係嗰個跑腿而超低價接咗嚟做。

大C姐

市場上好多成功合作例子到後期都係拆夥收場
reyes 發表於 2012-11-29 13:30

    拆夥收場又唔一定負面嘅，正所謂天下無不散之延席，合作有來有往好正常。

reyes

市場上好多成功合作例子到後期都係拆夥收場

大C姐

回復  大C姐

八十年代我都有時時上大陸幫啲廠, 賣電腦幫佢地design同setup, 見盡佢地期後冇乜好收場.
大 ...
satil 發表於 2012-11-29 11:57

咩唧，你唔洗同内地人分股權，你淨係有個伙記，都係喺香港去嘅，同内地廠嘅員工夾埋已經可以搞到你一鑊粥。

同内地人合作就更加多風險啦，老實講，佢哋好似...講得難聽啲，爛命一條，做嘢可以好義無反顧，＂你係瓷器我係咩唧，最多咪一拍兩散！＂   

satil

回復 412# 大C姐

八十年代我都有時時上大陸幫啲廠, 賣電腦幫佢地design同setup, 見盡佢地期後冇乜好收場.
大多是同大陸有關, 主因是港商只能佔小數股權. 注定被食.

與人合作, 最重要係一個完善的結構及有明確的權限.
真係唔好信人, 因世上真沒有100%可信的人, 任何時候1%可以整死你.

但你又唔使諗得咁慘, 市場上好多合作成功的例子

大C姐

回復  大C姐

我之前講核心５人是絕對的５個不個專業，其他投資者，因不同project有不同的數目。有時大到 ...
satil 發表於 2012-11-29 10:36

    因爲自己屋企人係做生意嘅，咁由細到大都有接觸呢啲故事。我屋企人算係頭一／二批港人北上開廠嗰啲生意人，真係好多時同你共事多年嘅人都會因利忘義，而且係處心積慮去俾個凼你踩。所以睇social network呢啲片好有共鳴，雖然講嘅數字大好多，但係中間嘅人物同事情真係並非誇張或單一事件。

satil

回復 410# 大C姐

我之前講核心５人是絕對的５個不個專業，其他投資者，因不同project有不同的數目。有時大到３０幾人。有肥水不能別人田，５人做晒，hehe.

絕對同意，做生意的手法，對錢的態度，處事的標準。

合作伙伴真的難求，我就衰過得多次，試過５０／５０，試過做細，又試過做大，好多次都唔work。

最後，採用分工，例如，我有一段時期做電腦，partner理內部，我理對外．反而以work咗成十年。各做自己專門部份，一個互助的狀態。

大C姐

租客這些是成交後，該公司員工的工作，亦有 agent做 ．
自已投資者做是個計劃未成交前的工作，唯一是會計， ...
satil 發表於 2012-11-28 17:34

    咁其實唔係一開始就有１０個人參與嘅。咁都好少少...５個我都嫌多，不過有時多個人幫手做跑腿都有好處嘅。尤其是你哋個個都有自己工作。

不過我覺得同人合作之前要好成熟好清楚自己對生意同錢嘅觀念先，你話啱唔啱聽？我覺得好多時啲partnership唔workout都係因爲個別都冇投資同做生意經驗，當人生經歷不足，好多時handle唔到問題就賴咗落人哋度。