數十萬港人任宰割大家樂、大快活加價加不停

下午茶, 小市民, 成本, 快餐

數十萬港人任宰割大家樂、大快活加價加不停
蘋果日報 - 2011-02-10

踏入兔年，港人「搵食艱難」，本港兩大快餐集團大家樂及大快活，過去兩個月來連番漸進式加價 5角至 1元，當中以早餐和下午茶餐為加價「重災區」，加價加不停，每日影響數十萬人。食客批評兩間公司「賺到盡」，直接將通脹成本轉嫁小市民。大家樂及大快活承認上月平均加幅 3%至 4%，又指食材成本持續勁升，暗示加價陸續有來。

全港有 151間分店的大家樂，主席陳裕光去年底曾表示不會帶頭加價，但繼 12月加價 3%後，上月又再悄悄加價 3%。大家樂發言人證實， 1月起各食品平均加價 5角至 1元不等，但拒絕透露各款食品實際加幅，只解釋加價是由於全球食材成本上漲，如年內雞肉類上升 18%、牛肉類升 22%，肉類更升逾 33%，導致集團食材總成本勁升約一成半。發言人表示已在多份報章刊登優惠券，為食客提供折扣優惠。

早餐下午茶「重災區」

曾預告加價 3%至 4%的大快活，行政總裁陳志成承認旗下 96間分店最近加價，更直言加幅未「達標」，暗示還會再加，「全球食材成本係咁加，我哋已經好克制」。陳志成表示，集團正研究多項節流措施，例如選購食材和中央廚房工序上研究減省成本，但仍無可避免要加價，全年加幅最終可能達 5%。

對於兩間大型連鎖快餐店加價加不停，食客普遍不滿，本報近一個月來便收到多名市民投訴兩間公司悄悄加價，當中以早餐和下午茶餐為加價「重災區」，過去兩個月最少已加價兩次。居於鳳德邨的溫先生是大家樂下午茶餐常客，最近發現大家樂農曆新年前後大幅加價，形容「大家樂簡直想搶錢」。

溫先生表示，從前購買燒鴨湯瀨粉連熱飲套餐，只需 19元，但農曆新年期間增至 25元，過去茶餐加 3元可配額外湯粉麪，最近亦倍增至 6元。他批評大家樂趁農曆新年加價做法無良心，「一般人覺得新年食嘢一定貴啲，等啲客易接受咗咪過骨囉」。記者昨日在鳳德商場的大家樂，發現燒鴨湯瀨粉套餐現售 20元。

兩快餐店純利共 4億元

食客又批評兩間公司加價手法「陰濕」，除漸進式分多次加 5角至 1元外，又會將食物「拆件」發售，例如配飲品要加 5元，藉此變相加價，例如大快活的粟米肉粒飯，由 24元增至 25元，如需飲品更需額外加 5元。食客陳太批評：「以前食粟米肉粒飯會包飲品，家要加五蚊先有，變相加價。」

大家樂去年純利估計逾 3億元，大快活亦賺約 1億元，立法會議員王國興認為，兩間公司不應將食材成本直接轉嫁消費者，「呢個月調少少、下個月又調少少，陰啲陰啲咁加，喺乞兒兜搶飯食」。他表示在通脹加劇的環境下加價，令升斗市民百上加斤。他認為兩大快餐店盈利不斷上升，快餐店應履行社會責任薄利多銷，不應「賺到盡、食埋人隻車」。

大專食堂變窮人救星同樣是快餐店，舊式小店亦有加價，但仍有 20元以下的「碟頭飯」出售，灣仔樂景快餐店內的漢堡扒飯、火腿會意粉等仍售 19元，雪菜肉片飯亦只售 22元；牛頭角的日月星快餐店亦盡量維持低價， 23元一碟炒飯，外賣自取更可回贈 1至 2元，店內女職員指「食材加價都唔敢加咁多，寧願賺少啲」。

向公眾開放的大專院校食堂更是「窮人救星」，中文大學學生會會長黎恩灝表示，大學生稱為「頹飯」的平價飯暫時未受加風影響，「 12、 13蚊食粟米肉粒飯、雙腸火腿飯，飲嘢加 3至 4蚊，入學三年都唔覺有加價，可能同租金有關」。

Catpiano

金牌老友 (超級)

Rank: 6 Rank: 6

67^#

發表於 2011-2-13 22:09 | 只看該作者

How about .. PeterMoJ J ?

TOP

mcjohnjohn

金牌老友 (超級)

Rank: 6 Rank: 6

66^#

發表於 2011-2-13 21:47 | 只看該作者

多幾個阿力
仲邊有人識逆境自強呀
上街就識
快樂牛郎發表於 2011-2-14 13:41

其實上街都係近呢幾年一個逆境自強既方法.
70-80年代, 你日日上街都唔會有人騷你, 應該話邊有人知你上街.
而家上一上街, 就會有人o係網上討論, 如果上街既目標係明確, 都會搵到支持者, 有支持者, 話唔定可以達到上街既目標! 我仲記得當年社民連上上下街就爭取到1000蚊比d 老人家, 真係唔好話上街冇用.
不過, 上完街之外都要做其他野既, 如果乜都唔做等運到就真係叫做唔識逆境自強喇.

-- 話哂都叫做有上過街既 MJJ (PeterJJ)

TOP

peter236