丟棄最後一塊遮羞布- 吳志森 (蘋果) 遮羞布, 功能性

Lik

丟棄最後一塊遮羞布- 吳志森 (蘋果)

為了堵塞「五區辭職，變相公投」的「漏洞」，政制及內地事務局局長林瑞麟日前宣佈，今後分區直選和超級區議會的立法會議員辭職，不會再進行補選，而是由獲得最大餘數得票的另一隊落選人補上。

這個可能是世界上最荒謬的建議，但意圖和動機太明顯，太功能性，太為單一的政治目的服務，以至不擇手段，邏輯混亂，理念模糊，漏洞百出，連最後一塊遮羞布都不要了。

如果這個辦法只應用於分區直選議員，邏輯上還可以勉強說得過去，但卻偏偏並不如此。由區議員提名，全港單一選區選舉產生的超級議席，雖然屬於功能組別，但為怕即使他們只有其中一人辭職，再補選的話，更容易有「變相公投」的效果，因此「不再補選」的限制，就一定要擴及屬於功能組別的超級區議員。

其他功能組別議員，不少是在無對手下自動當選，有人辭職，如何找落選者補上？更多是只有幾百公司團體票支持就登上立法會寶座，即使辭職再選，也絕不會有公投效果，因此新的限制，不需要把他們包括在內。

特首選舉，無論是小圈子還是將來經篩選提名後的一人一票，當然不可能由落選者補上，第一是《基本法》規定必須補選，第二如果萬一曾蔭權腳痛要下台，由落選的梁家傑補上，豈不搬起石頭砸自己的腳兼激死阿爺？此辦法當然萬萬不能應用於特首選舉。

提出「補上」代替「補選」的最大理據，是有人辭職「玩嘢」。但回歸後，立法會議員因犯法、因逝世而要補選，已經不只一起，難道他們也是「玩嘢」嗎？

政府發出的文件也提出一些外國例子，例如德國、波蘭和芬蘭，國會議員辭職後不再補選，而由落選者補上，但這個落選者，不是毫無關係的競爭對手，而是來自同一個政黨。

議員辭職不用補選，由相同政黨的落選者補上，理念是非常清楚的：尊重人民的選擇。但林瑞麟局長建議的辦法就顯得狗屁不通了。例如新界東的選民選出了長毛梁國雄進入立法會，若長毛辭職，卻由在同區競逐的田北俊補上。梁國雄是左派，傾向社會主義，為工人階級爭取權益，田北俊是右派，自由資本主義，為老闆階層說話，如此南轅北轍的政治主張和階級立場，在新的措施下，竟然可以互相替代，可見，這種制度，不但把選民當猴子來耍，簡直是把選民的意願活生生在光天化日下強姦了。

官員舉出外國的例子又不採用，是如何自圓其說的呢？無非又是一些老掉牙的說法：港人投票不一定是投給政黨而是知名度高的候選人，議員辭職了選票也隨他離去而流失，最後總有一句「香港政黨制度尚在演變中」，即是還不成熟。好了，即是說，不論人家怎樣做，對建制有利就跟從，對保皇不利的就不符合港情，要另搞一套。

面對這個剝奪港人補投票權的建議，我們應該乖乖就範，還是抗爭到底？

吳志森
資深傳媒工作者

mcjohnjohn

我唔係英雄，亦從來無諗過做英雄。我徹底地尊敬毓民、趙連海、艾未未等人，因為佢地正正係每一日都豁出去、 ...
Lik 發表於 2011-5-27 02:24

每個人既價值觀都唔同. 有d 人好聰明, 捨難取易, 做事講求成本效益; 有d 人好硬頸, 永遠都去做d 難既野, 因為佢地覺得d 易既野可以留番比d 能力較低既人去處理. 社會需要有唔同role既人, 只要大家都係真心對人類社會作出貢獻既話, 其實乜野民族思想都唔係太重要. 當然, 呢個世界仲有唔少人會有根深柢固既民族意識, 我又唔覺得有錯既~

mcjohnjohn

回復 12# rockypath
頂你個肺丫! 仲乜野你今次打既野令人咁感動架?
好有heart 啊! I like it~

Lik

我唔係英雄，亦從來無諗過做英雄。我徹底地尊敬毓民、趙連海、艾未未等人，因為佢地正正係每一日都豁出去、不惜代假咁去為人民、為公義而做事。但要我去做一個咁樣嘅英雄人物，好對唔住，我無咁嘅能力。

貢獻社會有好多種方法，但每個人嘅時間同能力都有限，而可以貢獻社會嘅方法實在有太多，所以要貢獻嘅話我都會選擇去做啲成本效益比例高嘅事情來做。就正如如果你知道捐錢俾某一個中國大陸機構嘅話，啲錢9成會落咗去啲官員個袋，咁你仲捐俾呢個機構做乜鬼？係捐都搵間香港機構可以有得監察吓、核吓數嘅、make sure佢起啲學校會落返多幾條鋼筋，而唔係淨係起豆腐渣屋啦？

今日嘅香港已經係得返以前港英時代嘅一個空殼。施政一塌糊塗、官場無能仲要勾結大商家；績場只係日日做餐死，賺到錢來糊口就唔夠錢去安居；賺到錢去安居亦只係變相窮一生去為大地產商賣命。一個社會折墮到如此地步我根本完全唔覺得有乜野好去值得留戀。

-力

rockypath

回復 11# mcjohnjohn

一個只會享受社會進步成果但不肯對社會負責任的人是不會理解也不會同意你說的話。 但這不影響你做一個有社會責任心的香港人。

就算是北美人正在享受的平等和自由也是由他們的前輩用血淚和生命換取和建立的。如果沒有前人的付出和犧牲，後人就沒有現在的幸福生活。 為了將來的一代，我們也應盡自己的一份責任。

我也希望不久的將來每年可以在中國內地有一個月的時間做義工。我有些朋友已經做到了，我很是佩服他們。中國的進步是由很多默默無聞的小人物的默默付出堆積起來的。 就是趙連海本來也是一個無人知曉的小人物，但他的付出喚醒許多人的良心。 所以我們不應只會怨天尤人，而是應該做自己能夠做的事情哪怕是微不足道。

mcjohnjohn

呢個唔係能力嘅問題。有能力去貢獻同建設社會嘅話，咁當然係義不容辭。但依家成個遊戲規則根本就完全唔公平 ...
Lik 發表於 2011-5-26 16:15

o係唔公平既地方, 就唔可以去貢獻社會? 咁仲有義工o係大陸山區做教育工作嗎?
小弟覺得剛好相反. o係唔公平既地方, 就要更加盡一分力去幫助有需要既人, 所以我有做義工去出錢出力幫助弱勢社群. 如果有能力既人都走哂, 仲邊有人去幫助有需要既人? 咁社會邊會有進步呢? 我地成日講既社會責任, 唔係只係針對有錢人, 小弟覺得人人有責的.

我有細路, 亦想佢地生活得開心. 我會盡力令佢地生活得好, 呢個係為人父母既責任. 我覺得而家既香港社會, 比上不足, 比下有餘, 而我亦唔打算將自己既仔女放入溫室, 所以o係唔公平既環境下成長都算係一個磨練來的.

Lik

呢個唔係能力嘅問題。有能力去貢獻同建設社會嘅話，咁當然係義不容辭。但依家成個遊戲規則根本就完全唔公平，你想去貢獻嘅話其實都只不過係多餘。你走得果啲都唔走嘅話，唔通真係大家一齊冚包散咁會仲好？

再者，特別係有細路果啲，你又係咪想俾自己嘅小朋友響一個咁垃圾、咁唔公義嘅地方之下成長？我唔知你點諗，但就算唔係為咗我自己，為咗我小朋友嘅未來，我都一定會走。

不過路係你自己選擇嘅，而果亦要因此而欣然接受。

-力

mcjohnjohn

回復  Lik


    正如前人都話
香港係走向國際嘅跳板
上咗就要跳
跳得越高就去得越遠
係唔係咁話呀? ...
sheep 發表於 2011-5-26 15:38

有能力跳, 又跳得遠就當然要恭喜你啦! 不過, 做人要飲水思源比較好.

mcjohnjohn

講真，我成日都同我香港啲親戚同 friend 講同一句說話：今時今日嘅香港，我真係唔覺得係一個值得任何普通升 ...
Lik 發表於 2011-5-26 15:30

有能力走既就走, 咁留低d 冇能力既人o係度, 我覺得咁樣對佢地不負責任了.
小弟o係香港接受教育, 覺得自己受了恩惠, 長大左, 可以貢獻社會, 就係還債既時候了.

- 我愛HK MJJ

sheep

回復 5# Lik


    正如前人都話
香港係走向國際嘅跳板
上咗就要跳
跳得越高就去得越遠
係唔係咁話呀?