學歷何價？過來人經驗之談（一）

大C姐

話說前幾日大C父打電話同我講佢好後悔當年冇咩關心我嘅學業，大學畢業都冇閒出席，覺得錯過咗我人生一個好大嘅階段。

我又唔係氹佢，不過我真心覺得no big deal，因爲我自己都差啲唔想去畢業禮。識得大C姐嘅人都知，我係果啲神龍見首不見尾嘅人。去party也好，返工也好，返學也好，我做晒我要做嘅嘢我就撇，頭也不回。我唔會眷戀個結尾，逗留等運到磨爛席。我覺得過程就係一個階段，個ceremony對我嚟講唔係太有價值。

尤其而家周街都係大學生，畢到業都唔代表係尖子。畢咗業又好多時都係繼續讀其它嘢，所以都唔代表係學業嘅終結。大學畢業同以前form 5畢業心態上冇咩唔同，所以我叫我老豆唔洗想太多。

雖然講到大學學位好唔值錢，但係依然好多學生好恨入大學。又話説大C姐個表弟係應屆考生，雖然唔係同佢好close，但係以我所知佢一向紀錄都麻麻。但係又俾我想像中考得好，因為佢考高過３３２２最低標準噃！

嗱，問題就嚟啦，你考唔到３３２２就諗都唔洗諗啦，你唔搵其它課程讀就疊埋心水搵嘢做啦。但係你考到，而且高少少（可能係３３３２／３３３３咁先算），喺學生眼中，喺家長眼中，梗係覺得搏得過啦。咁但係其實搏唔搏到呢......下回分解!


- 大C姐

fibbi

回復 93# reyes


    too late la...we already stopped application.

reyes

而家啲唔知八十後定九十後，fresh grad問佢攞transcript都唔俾。。。真係。。。想點呢？其實想當年我啲成績 ...
fibbi 發表於 2012-12-10 10:39

    你公司請人? 咩工? 係邊到? 仲要唔要人?

fibbi

而家啲唔知八十後定九十後，fresh grad問佢攞transcript都唔俾。。。真係。。。想點呢？其實想當年我啲成績都唔見得人，但係都要俾架啦。人哋覺得ok咪ok囉，唔得咪唔得囉。俾人睇都仲有一個機會，唔俾就真係無。你無可能知個employer點諗，或者佢唔介意個成績，不過想睇吓你讀啲咩科，等你吹吓水。唔係間間公司要個科科A先請架。

仲好，慳返啲時間，見少個。

大C姐

回復  大C姐


    唔好睇小receptionist，分分鐘可以變HR一員，可以變junior marketing一員，老細admin又 ...
fibbi 發表於 2012-11-29 14:01

    我冇睇小任何職位，但係你都識講啦，receptionist都可以升其它職位，咁你唔排除任何人會騎牛揾馬，做一陣reception就搵其它職位。

fibbi

回復 89# 大C姐


    唔好睇小receptionist，分分鐘可以變HR一員，可以變junior marketing一員，老細admin又得。

大C姐

回復  大C姐


    喺老細嘅立場，梗係想個好嘅員工做長啲啦，training都要時間。

咁喺個員工嘅立場，點 ...
fibbi 發表於 2012-11-29 11:57

    咁你自己就要問自己個position本身有冇晋升機會。如果你係請個receptionist，咁你可以點升佢？又或者做admin幫公司order supplies，做吓filing同organize啲office events，咁你可以expect佢做到其它同事嘅嘢咩？

我覺得人望高處，你都唔想個junior做５年都係一個junior，同埋你想佢stay你都要有opening，有opening你又未必會請個junior，你寧願請出面有相同經驗嘅係咪呀。咁你好難怪人做唔長。

fibbi

回復 87# 大C姐


    喺老細嘅立場，梗係想個好嘅員工做長啲啦，training都要時間。

咁喺個員工嘅立場，點樣先會無咁容易搵個第份工呢？
我認為係人工，工作環境，進升機會。好嘅咪做長啲囉。

大C姐

回復  大C姐


    如果係change field嘅話，高學歷但由低做起ok喎。但係事實上好多over qualify，咁我點 ...
fibbi 發表於 2012-11-29 11:10

    其實你講得junior position都係預咗人哋一年半載就另謀高就㗎啦。我覺得做老闆有時都要realistic一啲，你就算請個剛剛畢業嘅o靚仔，你認爲佢會留喺個junior position幾耐？你覺得佢會唔會騎牛揾馬呢？

fibbi

回復 85# 大C姐


    如果係change field嘅話，高學歷但由低做起ok喎。但係事實上好多over qualify，咁我點認同佢唔會騎牛揾馬呢？

另有啲做咗幾年team lead，而家走去揾個junior position，我都唔buy囉。有個仲攪笑，話喺菲律賓，要份加拿大嘅工喎。。。有啲就好清楚咁講到話需要幫佢攪working permit。又有好多現在身處加拿大某地（如東部），Seattle都apply。。。
講到language，我認為點都要寫English，其他你識嘅language可以加上。