返回列表 發帖

大C姐夏日清涼爽之孝順父母

早個幾星期有個poll講家用。我大C姐真係有D嶄愧﹐我自出身到以家都無俾過家用。

我老豆雖然唔係有錢佬﹐但係一定有錢過我。同埋我十幾年都唔係同我老豆住﹐又唔係成日見﹐唔通個個月電匯D錢俾佢咩。當然﹐俾家用對於好多人嚟講﹐都係心意唧。所以我都識做既﹐大數目咪通常我頂囉。所以每年夏天就有一大疊單等我科水。最近個保險又要俾年費﹐又幾千銀。之後我老豆個外傭不嬲係我俾開﹐又係一年俾一次﹐見到張單我不禁又講左個單字。9月我老豆同佢老婆話想去秋季旅行﹐當然緊係想我請佢哋去玩啦。唔洗出聲﹐我就已經話"等我出錢啦"。

一向豪爽嘅C姐其實都算闊佬開﹐但係一個月內洗成萬幾蚊都幾肉赤。尤其今個年頭其實好多身邊朋友股市重創後仲未療傷。好多失業嘅朋友仲做緊D臨事散工﹐希望個市好D先做翻老本行。所以而家洗錢都有D罪惡感。但係見到兩老好心安搞生日﹐搞旅行﹐個心又VO一句"都係錢唧﹐又唔係真係俾唔起﹐洗左咪又再揾過囉﹗"

但係我好想講﹐天下D老豆老母可唔可以唔好咁煩﹐同埋咁八? 事源係﹐每次同我老豆通電話﹐其實講嚟講去都係三幅屁﹐我又唔係要佢entertain我﹐但係永遠講到無嘢好講就囉D姨媽姑姐嘅事嚟講。好樂此不疲咁去gossip親朋戚友嘅事囉。老老實實﹐我係連呢D人咩樣都無咩印象﹐可能十年內都無見過﹐人哋D仔女點衰﹐點唔長進﹐點爛賭﹐其實我唔係好有興趣去知。同埋呢D我始終覺得係D大人嘢﹐作為一個少女﹐我係唔應該加把嘴﹐所以D大人一類堆講完咪算囉﹐話我知做咩呢?

同埋呢﹐我覺得香港人都係有D鍾意用人哋嘅不幸去表現自己嘅幸福囉。我成日同我老豆講﹐唔好咁八啦﹐同埋你唔係有心幫人﹐都唔好周街唱人哋D嘢啦。你講我聽﹐我又無咩得著﹐而且又唔熟﹐又無咩感覺。所以我決定捉我老豆去學電腦﹐學中醫。我希望佢忙D﹐多D世藝﹐多D話題就唔洗八人哋D是非。


-- 又要開始扮窮嘅大C姐

你老媽子識靈活走位姐﹐有好多人家中果一老真係清朝人嚟架﹐仲係好傳統果D觀念﹐你一般21世紀嘅少男少女係跟唔到。

-- 青春少艾大C姐
大C姐 發表於 2009-8-10 14:30

咁冇計woh... 唯有睇番幾集環珠格格, 間唔中學下d 公公咁, 照顧下皇太極同皇太后law~
出街時就喊"皇阿馬起駕"! 見面時就問候一句"皇阿馬龍體安康"!

TOP

乜野七嘴八舌woh, d 人關心下你之麻~
乜而家仲有人會用古時嘅孝順方式? 惟命是從? 我阿媽就對我惟命是從...... 我叫佢行東, 佢通常都唔會行西; 不過, 佢叫我行西, 我通常都唔會行東的. 哈哈~ ...
mcjohnjohn 發表於 2009-8-9 22:34


你老媽子識靈活走位姐﹐有好多人家中果一老真係清朝人嚟架﹐仲係好傳統果D觀念﹐你一般21世紀嘅少男少女係跟唔到。

-- 青春少艾大C姐

TOP

其實每一次講開父母關係﹐俾幾多家用﹐點同D老豆老母角力呢﹐身邊D人都會七嘴八舌。確之然﹐父母係無得揀﹐呢一代個節驟快到真係3年已經一個代溝﹐真係好難用古時嘅孝順方式﹐惟命是從﹐去同現今父母生活。

唔好話 ...
大C姐 發表於 2009-8-10 13:16

乜野七嘴八舌woh, d 人關心下你之麻~
乜而家仲有人會用古時嘅孝順方式? 惟命是從? 我阿媽就對我惟命是從...... 我叫佢行東, 佢通常都唔會行西; 不過, 佢叫我行西, 我通常都唔會行東的. 哈哈~

TOP

其實每一次講開父母關係﹐俾幾多家用﹐點同D老豆老母角力呢﹐身邊D人都會七嘴八舌。確之然﹐父母係無得揀﹐呢一代個節驟快到真係3年已經一個代溝﹐真係好難用古時嘅孝順方式﹐惟命是從﹐去同現今父母生活。

唔好話其他啦﹐我老豆一時又以為自己係o靚仔﹐擒高擒低。一時又扮老﹐講到自己就黎果頭近。我都要好耐心去推佢個心理狀況。

同埋鬧得最多都係不離家務助理﹐飲食﹐同埋錢。

-- 有前有後大C姐

TOP

45# mcjohnjohn
係呀!而且 老夫 做得極之稱職潻。
人生易老天難老,
歲歲重陽。
今又重陽,
戰地黄花分外香。

TOP

吓!乜原來父母係攞嚟孝順而唔係攞嚟激嘅咩?
老友四號 發表於 2009-8-10 11:52

係呀~
你唔係成日激你既父母丫麻?...

TOP

吓!乜原來父母係攞嚟孝順而唔係攞嚟激嘅咩?
人生易老天難老,
歲歲重陽。
今又重陽,
戰地黄花分外香。

TOP

好彩小弟由細都大都未聽過我父母話我"你個死仔包"~
我諗我都應該唔會鬧個女係"死女包", 我唔捨得咁樣鬧佢...

真係人夾人緣既, 好似有d 父母, 見到子女對自己有少少好, 就已經覺得好開心; 但有d 父母, 就算子女對 ...
mcjohnjohn 發表於 2009-8-9 00:42



我想講呢﹐其實年紀有一把嘅父母﹐又會變翻細路仔。

有時同父母相處要好似同小朋友一樣﹐有時要凼﹐但係有時又唔可以俾佢哋想點就點。有時當然生活上一定有D唔協調﹐但係又唔可以一句"要孝順"﹐就晒D老人家。不竟﹐有時我識嘅嘢可能俾老人家多。有D飲飲食食﹐生活習慣係要提醒一下。當然唔係要做到煩啦﹐始終都係個別個體﹐有時都要隻眼開隻眼閉﹐詐唔知。

-- 近日瘦左一個圈嘅大C姐

TOP

大佬﹐你估真係要日日攬住鍚先叫關係好咩。

即係好多父母會開口埋口話"你個死仔包"﹐唔通咁就真係代表對父母同個仔關係差咩?

當然﹐我唔排除一D母女﹐父子﹐真係好感情都不得了。但係呢D都真係人夾人緣﹐唔係個 ...
大C姐 發表於 2009-8-8 07:15


好彩小弟由細都大都未聽過我父母話我"你個死仔包"~
我諗我都應該唔會鬧個女係"死女包", 我唔捨得咁樣鬧佢...

真係人夾人緣既, 好似有d 父母, 見到子女對自己有少少好, 就已經覺得好開心; 但有d 父母, 就算子女對自己已經好好, 但都係唔滿足.

TOP

返回列表