再談相處 老公

Yui

我有一個難題想大家俾d意見。

我同70幾歲既老爺奶奶同住，拒地住樓下，我同老公住樓上，大致上大家都有自己既生活空間。本來無問題，但兩老（尤其奶奶）愛屋及烏，待我好好，事事照顧周到，但關懷程度令我同老公都感到吃不消，隨便舉例如下：

1. 奶奶喜歡煲湯帶上來給我同老公飲，但同一煲湯會分幾次上來，第一碗系熱湯，可以立刻飲；第二次拿上來的可放雪櫃；第三次拿上來的湯是經過她精心挑走油分的剩余湯尾。。。每次都有好詳盡既解釋拒花左幾多時間撇油。。。 拒亦好緊張我地有無第一時間飲，會睇住我地飲完就好滿足甘落樓下。有次老公開緊電話會議，拒叫左幾次老公無理到，拒就大聲話‘D湯arm飲啦，凍左無益啊’，然後將碗湯隊系老公口邊。

2. 我宜家無返工，午餐都會自己煮，多數食粉飯麵，好間唔中會做三文治。有次做三文治當lunch，食完無耐奶奶上來問：
“食左飯未阿？”
“食左啦，我食三文治。”
“噢，唔怪得我系樓下聽左成朝都聽唔到油wok聲啦。”

3. 食左飯未阿？’ 系老人家同人打招呼常常聽到既，最平常不過。但我每日不論個任何時間俾人問5-8次，系咪人都癲？

其實問題系咪出系我身上？明知對方系出自關心既表現，但點解我會覺得甘反感同抗拒？

想聽下你地既意見。

ricrick

一個字，煩
對於一D愛心爆炸的老人家，真係吾知點算

無計，唯有不厭其煩，飲多碗湯，講多次食左

tofu

are they bored?  maybe they just need someone to talk to

Yui

一個字，煩
對於一D愛心爆炸的老人家，真係吾知點算

無計，唯有不厭其煩，飲多碗湯，講多次食左
ricrick 發表於 2009-9-4 22:30

rickrick你好勁，講中灑我心個句。

但我既耐性已經被磨滅得7788，我怕終有一日我會對老人家爆粗。

ricrick

教你一招絕的，就是鬥~長~命~ 仲吾實食無黐牙？

Purpleheart

Yui, 其實我覺得你好幸福 wor....
好少奶奶唔單止錫個仔, 仲錫埋個媳婦~~
其實一結左婚老爺奶奶就會好緊張幾時有孫抱
可能係你奶奶想你地食飽o的然後努力造人o者~~
and 佢想第時有個肥肥白白既孫......

好似我男朋友媽咪, 次次開飯都特登將o的肉 / 扒放o係我男朋友面前, 然後菜同豆腐就狂推俾我食, 叫我"食啦, 食多o的菜啦", 驚死我食晒o的肉我男朋友冇得食
真係頂唔順, make me 反感同抗拒

Yui

Purpleheart, 有時我都會唸如果我奶奶系一般正常既阿媽，不好甘熱情，不洗甘週到，甚至錫仔唔錫新抱，我會唔會無反而覺得好過D呢？ 因為甘我可以擺明同拒保持一個舒服既距離。

但系因為拒對我好好，好得來卻好煩好厭悶，你唔想接受又唔知點同拒講，相處耐左真系會有無形既壓力。

khaki

有Ｄ奶奶過份熱情，過曬火攪到人家慢慢覺得煩。有時自己覺得好既行為，套用響人家度就會變得好討厭，因為人人都不一樣。最好方法就係搬開啦，gum又唔會得罪老人家又唔會爆粗哈哈。

Littleprince

同意樓上所說的﹐若覺得太煩最好唔好一齊住﹐廢事耐性磨盡會會磨擦﹐到時仲死

yokult

好有同感。

我未結婚﹐男朋友呀媽對我好好﹐驚我唔夠湯水﹐拒會煲D 湯叫男朋友拎比我飲。
我都知係好意﹐但係我覺得唔需要囉。

一早同男朋友講左結左分 一定 唔會同拒地住。