咁我哋兩個真係放完監嘛!!
Shu 個隻eyeshadow 真係好貴靚,叫做 G rainbow? 閃得嚟呢好自然㗎,用嚟blend 一流!!
我今日同貓貓行咗一日經濟街者,兩條裙都係加埋40 蚊,本來我又差啲見人湧我湧心態,去敗啲body lotion,但貓貓話佢有好多好香嘅俾我,所以我安全渡過。。。 LOL 其他時間都係玩轉 YSL 同埋 Dior counter! 原本諗住買貓個隻紫色YSL 點知discontinue 咗,個sales 係咁話新一隻都好靚,但係唔同就係唔同,無計啦B仔,睇嚟我都係逃唔過上網掃 Coffret D'or 嘅厄運㗎啦.................
今日貓貓幫我執咗兩條桃紅短裙,一條係off the wall,一條係Siren, 好鬼正㗎,該露嘅露,該收嘅收,我聽日著個條去飲你個餐,食多少少都唔覺,另一條真係好貼,我諗我真係要搵條粗皮帶,遮吓先夠膽食野。。。。
另外貓貓好鬼evil 咁氹我試佢個friend 條tube 裙,隻顏色同款係我依世女未試過,嘩,唔試都話,試完真係唔肯除落嚟!!!隻色係藍綠色,左邊心口有個好靚既羽毛心口針,唔知係咪條裙衰,有好多摺痕,搞到有幻覺好hour glass 咁㗎!! 貓貓應承我下禮拜落美國的話幫我買!! |