fibbi

回復 10# 大C姐


    我真係覺得同性戀都係愛情嘅一種，一樣可以刻骨銘心，只不過另類啲，唔係主流，咁咪俾啲另類啲嘅法律，另類啲婚姻法去規範囉。我都有同性戀嘅朋友。而家啲人好興郁啲就話歧視。係唔同就係唔同架啦，尊重同接受別人嘅不同，唔等於睇低人。

大C姐

回復 11# fibbi
張心比己，你同我都係小眾，我哋喺加拿大都係非主流，咁係咪代表我哋要接受唔同等嘅法律呢？


呢個要諗清楚。


同埋心理陪養同文化係好受法律影響。試諗吓如果亞洲人喺加拿大唔俾投票，唔俾參政，唔俾做某一啲主流社會覺得好理所當然嘅事。咁你會覺得主流嘅小朋友長大喺呢個制度，會唔會視亞洲人如等同？會唔會對亞洲人有同等嘅尊重？




我唔係為拗而拗，歧視嘅可怕係，歧視咗自己都唔知，好根深蒂固。反而你話唔同意，唔讚成，都係一個理性同有意識嘅決定。




剝削別人嘅權利而又無直接得益係好盲目。你不停問點解人哋要有你有嘅權利，咁點解你嘅權利人哋唔可以有呢？你有咩咁優等？

fibbi

回復 12# 大C姐


首先，去得人哋嘅地方係要遵守人哋嘅法律。好似去到Quebec，中文招牌都唔俾用，或者有size限制。你會唔會話人歧視中文？人哋嘅傳統係咁，就係以法語為主。
結婚嘅傳統定義係一男一女，點解要為咗遷就小眾另類感情生活而有所改變？呢啲除咗牽涉傳統，仲有道德價值觀，當然每個人都有唔同嘅底線，如果社會要與時並進，更加應該諗啲新嘅婚姻法例去包含同性戀嘅因素, 而唔係去改變舊有嘅傳統定義。

例如男女嗰啲叫強奸，但係同性（男男）嗰啲叫雞奸，個名係唔同，指唔同嘅事件。唔通話點解男男嘅唔可以叫強奸就係歧視？？？

大C姐

okay 嘅，你講嘅嘢無錯，我哋可以唔去quebec, 唔去做生意，唔入鄉隨族。咁都係嗰句，咁gay 同lesbian可以點呢？係咪要求其揾個異性結婚攞到大眾得到嘅benefits 咁就係尊重傳統婚姻，咁做就道德？


當然啦，你用"另類", 同"食得鹹魚抵得渴" 嘅字眼，個潛台詞係"邊Q個叫你搞gay, 唔鍾意咪做返主流囉，點解要我哋去就你哋呢啲小眾唧！"

用呢個諗法出發，都唔洗辯論落去，我已經知你嘅立場，我亦無本事改變你想法。


For 我自己就覺得婚姻同傳統都係不斷改變同與時並進，唔可以話得到某啲改進，益到自己，之後就落閘放狗，用對自己有利嘅門檻去排擠其他想改制嘅人。

Littleprince

大C姐我只有一句送比你，就係晤好以為同性戀係時代產品，舊約聖經已記載，幾千年前所多馬娥麼拉就係同性戀令到全城淫亂最後被神滅了。。。 可見同時代進步與否無關，與淫亂極大關係囉。。。

by the way, welcome back!

chunsh

回復  fibbi

我覺得你嘅道德係無唔啱，學你話齋，每個人個底線唔同。




我只係想講，你嘅言論係唔接受 ...
大C姐 發表於 2014-12-2 23:40

大C姐

大C姐

回復 15# Littleprince

我從來無諗過同性戀係新潮嘢，只係以前唔接受唔公開唔代表唔存在。即係恐龍都可能生cancer, 不過未有醫生診斷過佢哋啫。


如果你嘅立場係"同性戀等於淫亂",  所以你唔接受同性婚姻我反而明白喎。我唔同意but我理解你嘅出發點。最得人驚反而係口講開明，包容，但實際唔想別人有同樣權利，我覺得呢個心理狀況好奇怪。

大C姐

大C姐我只有一句送比你，就係晤好以為同性戀係時代產品，舊約聖經已記載，幾千年前所多馬娥麼拉就係同性戀 ...
Littleprince 發表於 2014-12-3 14:47

呢個世界好得意架，好多"傳統"同"道德"都係依自己利益出發。


你夠唔夠擔講你無婚前性行為？


你唔去quote聖經睇吓佢贊唔贊成人離婚？


咁你個道德標準係咁高，妓女直頭坐監啦，唔結得婚唔生得仔。


總之事不關己就好口響，嚴人寬己。同自己利益有關就"搬龍門", 隨時可以捨棄某啲"過時"同"專制"嘅傳統。

chunsh

說起舊約......到了今天，有幾多女人會因這條罪被石頭打死?

22:14　誣指她行了可恥的事，將惡名加在她身上，說，我娶了這女子，與她親近，見她不是處女；
22:15　女子的父母就要把女子貞潔的憑據拿出來，帶到本城門長老那裡。
22:16　女子的父親要對長老說，我將我的女兒給這人為妻，他卻恨惡她，
22:17　誣指她行了可恥的事，說，我見你的女兒不是處女；其實這就是我女兒貞潔的憑據。父母就要把那布鋪在本城的長老面前。
22:18　本城的長老要拿住那人，懲治他；
22:19　並要罰他一百舍客勒銀子，給女子的父親，因為他將惡名加在以色列的一個處女身上。女子要仍作他的妻子，終身不可休她。
22:20　但這事若是真的，女子並不是處女，
22:21　就要將女子帶到她父家的門口，本城的人要用石頭將她打死；因為她在父家行了淫亂，在以色列中作了愚妄的事。這樣，你就把那惡從你們中間完全除掉。
22:22　若發現人與有丈夫的婦人行淫，就要將姦夫淫婦一併治死。這樣，你就把那惡從以色列中完全除掉。

fibbi

每個人對同性戀嘅接受程度都唔同，你可以認為同性戀同異性戀係一樣都係愛，所以應該可以結婚。但係我認為同性戀同異性戀係不同嘅，所以就認為應該用不同嘅結合方式。權利就應該同異性戀嘅一樣。你唔同意無所謂，我唔會convince你。但係亦唔關咩自身利益嘅事。人哋結婚關我咩事？我只不過表達自己嘅立場見解。每個人對呢啲嘢嘅睇法都可以唔同。好似佔中關我咩事，我又唔喺HK，又唔係影響到我。但係各人都有自己嘅立場。