最憎就系果個停車場﹐的人淨識系第一層同第二層道等位﹐成日塞死晒唔在講﹐大把師奶喳住的巨型老 Ben同宝馬﹐擰黎擰去都泊唔到個位﹐阻住晒的交通﹐一到假日就更加慘情﹐由第三層喳到去出口﹐分分鐘要你半個鐘﹐如果等住出去救命﹐真系未出到去都已經死左! 做商場要靠人流﹐由其系加拿大﹐停車場系好重要﹐但系呢個商場停車場既設計屎波成噤﹐識喳車既人同埋主流社會既鬼佬就肯定唔想走入去﹐噤唔系又點會成日系mall道行黎行去既﹐都系自己友﹐無新客入﹐又點會有消費!
其實個 mall既管理層都知到呢個系嚴重問題﹐只不過又唔肯認衰﹐成日都死撐話無生意唔系因為泊車問題﹐梗系啦﹐個部門老頂個車位對正門口系一樓﹐梗系唔會知到實質情況﹐噤咪見唔到睇唔到﹐你班友仔嗌生晒﹐情況都系無改善!
租金又超貴﹐成日以為個 mall放左系西區﹐走高格調﹐但系裡邊既鋪就cheapy到死，其实都唔明，賣果十元八塊﹐就算賣晒成間鋪的貨﹐都唔夠交租。有一間專賣高級品牌時裝既仲搞笑﹐成鋪都系衫﹐但系賣黎賣去都系幾年前既款﹐就算一兩折都無人吼﹐就算拒地話系新貨﹐其實都慢人幾拍﹐人地HO記都賣到開晒巷﹐拒地先慢慢拎出黎﹐蝕晒章仲懵盛盛﹐個賣手同策劃班友都系用個忽忽黎稔野﹐唔怪得做極都唔起啦! 而且真系著貴價衫既人又點會騷呢的過氣衫﹐著出黎都比人笑到面黃! 不如朔性比晒的慈善機構﹐都會有人講聲多謝﹐好過擺系間鋪度獻世﹐客人見黎見去都系舊衫﹐都唔會稔住再行入去啦! 個mall成日都好似一潭死水﹐裡邊的貨同四五年前見都既都無乜分別﹐因為都無人買﹐成日擺系度﹐都戥的商戶慘。
Mall主既其他鋪頭亦無驚喜﹐的貨由開鋪到執笠﹐都有住同一樣貨色﹐都唔知拒地系咪特登keep住呢個特色﹐定系個賣手無料兼無能﹐都唔知個市要乜就亂噤賣﹐於是咪長賣長有﹐老板見到真系要多得個賣手唔少! 唔拍烏蠅都幾難。
至於話pizza同cream puff都成日要排隊﹐並唔表示特別好食或者好生意﹐只系廚房出得慢﹐咪要的客系度等﹐噤咪做就排隊現像﹐呢D都系虛火黎﹐唔會持久。一下無生意﹐噤咪又執左拒﹐然後開番第樣﹐執下開下﹐可能覺得都系樂趣!
| 
發表於 2009-1-3 22:42
| 
