mcjohnjohn

咁你依家喺香港？

會唔會為仔女搬屋先？會唔會都盡量揀一間band 1嘅學校哩？

本人認爲英文學校／ ...
大C姐 發表於 2012-11-2 01:03

大C 姐,

唔會為他們搬, 亦唔會為左入band 1學校做一D 吃力不討好既事.

咁講啦, 佢兩隻野都是天主教教徒, 一定有天主教學校收. 而且佢地既阿媽(即小弟一生最愛既老婆仔)又是教書的, 是那些好像連鎖店, 周圍都有學校的機構做教師, 萬一冇人收, 都可以請校長寫封推薦信去敲敲門.

至於係唔係名校, 我真係唔算執著. 小弟當年都叫做讀所謂名校, 讀完都係咁上下之麻. 其實讀名校既最大優點是身邊既朋友仔都比較富貴, 出到來做野人面都會因此而廣D. 可是, 小弟根本唔係上流社會既材枓, 呢D 野對我冇乜得著. 至於英文好唔好, 返學返得果一陣, 我覺得最緊要是父母自己教. 小弟讀左咁多年書, 由中一開始已經知道自學的重要性, 所以, 我遲D 會比心機去培養佢地自學既心態, 咁應該會比較有長遠既效益.

-- 唔知自己教得好唔好, 不過會盡力的 MJJ

mcjohnjohn

都唔洗精英班，你求其搵個名校嘅學生去間band 2－3嘅學校都殺晒啦。我識唔少以前啲同學仔讀完名校小學， ...
大C姐 發表於 2012-11-2 05:52

想起一件笑料...
話說當年小弟讀既小學是一所鄉村小學(真的很鄉村, 用大理石建成的), 小弟幾乎年年考第一. 差不多升中時, 隔離屋的朱師奶知道家母想把小弟送到她兒子讀的那所所謂名牌中學時, 朱師奶說: "你兒子的質素, 進來我們的學校, 看來可能會考第尾!" 家母耿耿於懷, 我也開始擔心, 我明白一定有人比我聰明, 但真的有那麼多? 漸漸覺得興奮, 因為心想終於有地方可讓我出全力...
結果, 小弟順利升上那所所謂名校, 而在第一個學期, 我比以往更加努力, 因為我想看看自己能在這裡站在什麼位置. 最後, 我拿了全班第一, 全級也是十名內, 朱師奶再也沒有說這話題了.

jiujiujiu

呢個世界好現實既....
講真, 我覺得讀名校確實真係比唔係名校較為好啦~ 我知道我咁講一定又會俾人話....
但, 名校除左師資比較優良之外, 最重要既野係connection! Connection 呢家野, 真係要由細同人打關係打到大架! 仲有, 人地真係連manner 都教埋, 真係爭好遠架! 而且, 英文真係爭好遠, 從幼稚園開始, 讀英文都讀深人一年, 好唔過唔係名校生, 真係唔死都無用啦! 當然, 第時搵工個陣張resume 都會好睇D啦! 而且, 最實際既係, 由幼稚園到中學畢業一條龍, 除非成績好差, 否則就一定唔駛頭痛搵小學中學先吖!你係老細, 見到有2個人見工, 同樣quali, 但一個讀過名校, 一個無, 你都會考慮讀過名校既先啦! 好正常啵~
我都知道名校個競爭係好激烈, 我亦都親身領略過.... 我當年中5讀science, 會考都有成22分, 英文仲拿埋A, 升中6都唔收, 就係因為中6 science 收個average 係會考最少23分.... 不過, 我肯定如果我肯去"哎", 一定升得番, 但橫掂都決定黎加拿大, 所以就費事生人霸死地咋嘛...

大C姐

呢個世界好現實既....
講真, 我覺得讀名校確實真係比唔係名校較為好啦~ 我知道我咁講一定又會俾人話....
...
jiujiujiu 發表於 2012-11-1 19:55

真心講句，我自己返香港眼見一班朋友當中，差唔多個個都係專業人士或已有自己生意，云云咁多朋友差唔多都係外國讀過書，而唔係海龜嘅朋友都全部係讀名校。

唔係話讀其它學校做唔到專業人士，但係我哋呢班朋友一半中一半英，香港人如果唔係讀開英文名校出身真係搭唔到嗲。

MJJ你問心講呀，喺香港幾多公司都仲係用緊英文interview，你一開口已經知你讀咩學校啦。我唔同意學校得幾個鐘學到幾多英文囉！你睇吓Fiona喺國際學校讀都扮／係英文人啦。當然，亦都唔係間間名校都係英文為主，我識嗰啲係啫。


我好同意connection係有用，好簡單你有啲同學屋企人做生意，已經有機會得到一份暑期工啦，唔好講咁遠啦。出嚟做嘢，名校多數出路好啲，又會請返自己人，點都有多少著數。

mcjohnjohn

你係老細, 見到有2個人見工, 同樣quali, 但一個讀過名校, 一個無, 你都會考慮讀過名校既先啦! 好正常啵~
我都知道名校個競爭係好激烈, 我亦都親身領略過.... 我當年中5讀science, 會考都有成22分, 英文仲拿埋A, 升中6都唔收, 就係因為中6 science 收個average 係會考最少23分.... 不過, 我肯定如果我肯去"哎", 一定升得番, 但橫掂都決定黎加拿大, 所以就費事生人霸死地咋嘛...
jiujiujiu 發表於 2012-11-2 11:55

第一點, 睇下自己間公司係乜野新鮮蘿蔔皮, 先去睇下請唔請名校生. 讀得名校, 通常都有返咁上下家底, 跳草裙舞既機會好像會大好多咁.
第二點, 中6 science 收個average 係會考最少23分, 情況類似小弟既學校, 好彩既就係小弟冇唔夠分既煩惱, 當年只是煩讀BIO 定係PURE MATH 好而已.

mcjohnjohn

MJJ你問心講呀，喺香港幾多公司都仲係用緊英文interview，你一開口已經知你讀咩學校啦。我唔同意學校得幾個鐘學到幾多英文囉！你睇吓Fiona喺國際學校讀都扮／係英文人啦。當然，亦都唔係間間名校都係英文為主，我識嗰啲係啫。

我好同意connection係有用，好簡單你有啲同學屋企人做生意，已經有機會得到一份暑期工啦，唔好講咁遠啦。出嚟做嘢，名校多數出路好啲，又會請返自己人，點都有多少著數。
大C姐 發表於 2012-11-2 13:04

英文好唔好, 學校當然有一定程度既影響, 但最重要既, 一定係家庭既薰陶. 當年小弟D 同學仔, 有唔少在家中都是用英語跟家人溝通, 我第一次見到既時候, 真係覺得好震憾的.

小弟剛剛先去過一間公司INTERVIEW, 全英文的, 大致上都OKAY, 只係有個架仔D 英文, 我真係聽得好辛苦... 所以, 英文唔好一定蝕底, 同埋成日唔鬼用既野就一定會生疏~

CONNECTION 真係好有用, 亦係小弟覺得讀名校既最大優點! 有事既時候, 梗有一D 專業人仕o係左近, 其實真係幾感覺良好的.

大C姐

英文好唔好, 學校當然有一定程度既影響, 但最重要既, 一定係家庭既薰陶. 當年小弟D 同學仔, 有唔少在家中 ...
mcjohnjohn 發表於 2012-11-1 22:20

    咁講啦，考唔到入名校就冇辦法啦，如果讀到，點都好過讀野雞學校啦。所以＄４００萬雖然誇張，但係都不遠已。