[中餐館] 怡園….真係有皇帝蟹食? 蟹, 茶

superdt

怡園唔係茶餐廳嚟架咩?….真係有皇帝蟹食? 除咗蟹, 佢哋其他菜色好食嗎? 五月中溫哥華仲有無King Crab食?

sheep

怡園唔係茶餐廳嚟架咩?….真係有皇帝蟹食? 除咗蟹, 佢哋其他菜色好食嗎? 五月中溫哥華仲有無King Crab食? ...
superdt 發表於 2010-3-14 17:30

有
廿四個八一磅

爬地熊

怡園皇帝蟹$15.8/lb.我今日食咗.非常正.比較足砰.13.5磅做咗四食.花刁旦白蒸蟹爪,羗冲蒸蟹爪,秘制炒蟹身,葡汁蟹蓋焗反全部都做得好好.食完蒸蟹爪啲汁用嚟撈麵,加咗$8.我地8個人,加咗一隻豉油雞(好似要預訂)好正,食晒冇剩.加咗個炸大腸(做得一般),南乳豬手(ok).加咗個什菌炒三鮮(因為食皇帝蟹,所以走三鮮),即係炒什菌,但menu無,所以有冇三鮮一樣價錢.佢地個例湯都唔錯,大生地花生雞腳(送嘅).糖水係一般紅豆沙.可能今日係sunday,好多人等位,所以最好都係weekday去,唔駛俾人追枱.今季到目前我總共食咗4次king crab,今次係最正,highly recommended.

羽山

13.1磅好大隻....209文

為什麼你有特價 10%???

爬地熊

回復 4# 羽山


    10% off? I think because one of my friends knows them well!!

superdt

爬地熊 thank you for your information, 咁你之前果三次响邊間食? 同埋請問知唔知五月中重有無皇帝蟹食?

爬地熊

以我過往嘅經驗, 到五月中即mom's day嘅時候. 就真係要睇彩數, 好多時有都唔方會大隻, 價錢亦冇依家咁平, 你諗你啦, 我就覺得"不時不食", 趁依家一開季就係咁食啦! 至於之前就去咗南海漁村, Coquitlam鹿園同埋王府井囉!但怡園就真係做得最好!

news

nver go to 王府井..hahaha

superdt

哎呀！我哋一行十二人要到五月中先到温哥華玩幾日，唯有到時睇彩數啦，你估預早訂機會大唔大d?

爬地熊

吓?訂定隻蟹?叫隻蟹等你?不過我覺得作為旅客,就算貴d都應該食嘅!聽聞新瑞華就算non-season都有得食,你到時再決定啦,食唔到king crab vancouver都仲有好多好嘢食啦,keep an eye on Lo Yau Kee la!