網上流傳菲警非救人 只為「殺人滅口」 YouTube, 香港

CWong

屠殺現場零封鎖疑刻意毀證

菲律賓特警拯救人質部署備受抨擊，有當地電視台攝影師於人質被抬離旅遊巴後不久，竟能與搜證人員一同登車自由拍攝，這種對證物及事發現場「零封鎖」的異常手法，令本來已對菲律賓當局疑心重重的香港人看得更加莫名其妙，該片段上載至網站YouTube後，有網民質疑是否有人刻意讓外界破壞證據。

港傳媒昨始能登車拍攝

出事的「浴血旅巴」昨午仍停放在事發現場，部分香港傳媒到事發第三日的昨日才能衝越封鎖線登車拍攝屠殺現場，但YouTube一段長三分二十秒、名為「槍手死後康泰巴士內現場（Inside The Scene Of The Crime）」的片段，卻見到菲律賓傳媒巨頭ABS-CBN廣播公司女記者在封鎖線外作現場報道時，該台攝影師竟能輕鬆登車拍攝，片段見到有疑似執法人員在車上搜證，並拍攝旅巴劫後情況。

ABS-CBN攝影師從車內向外拍攝見到仍有大批傳媒圍著旅遊巴，推斷片段應在警方將所有人質及屍體移走後不久拍攝。

片段至昨午點擊率逾二千，由於港人對菲律賓特警拯救人質手法怒不可遏，互聯網又不斷流傳當地警方「殺人滅口」謠言，令部分悲憤的港人看到該片段後更氣憤，有網民質疑是否有人「急不及待上車破壞證據」，亦有人稱：「對他們所做的感到極度憤怒。」

「殺人滅口」??
Dante Tsang 寫於 2010年8月24日 0:57
一個曾踏足菲國的人：對菲律賓人質事件之我見
看過昨晚一整晚的 live，心仍是痛，整合了各方資料，我有一些看法願與大家分享。
香港一般人看到琴晚的 live，都會侘異菲律賓警察的救人表現及裝備如斯不濟，其實只要你知道當地實際情況，你就會明白，今天這個悲劇是一個正常的結果。(但正常不等於正確，不要把它合理化就是了)
重點是：不要用香港的水平去比較，background 係，你真係要親身去過，你就會明白，一個貪污貪到連警署都無錢交電費的首都，其實臨時組到個 SWAT team，已經好好運，你亦唔可以 expect 佢 D policeman 會好認真做好救人工作。當你長期被拖糧時，你會唔會用條命去搏？
我記得，一年前我搭的士由馬尼拉 airport 去 downtown hotel，途中經過一個燈位，對面有幅「亞羅約夫人」的畫像 (就好像民建聯那些：劉光華 + 一兩個區議員的「膽拖腳」宣傳 banner)
我問個司機: do you like her?司機: (呆左呆) no, no good, corruption
警察長期被拖糧係我從當地司機口中得知的，然後佢就同我講左好多這個城市的警察如何公然受賄，當地的士司機長期都被警察敲詐等云云。
但當你無糧出，你要點先可以有錢過活？你只可以貪啦。歡迎你來到一個貪污貪到連警署都無錢交電費的城市，一個由警察到總統都貪污的國家。
--------------------------------------------
友人問，為何不先瞞騙著槍手承諾給予復職，誘使其放人結束事件？
我的看法是，技術上可行，但政治上不行。因為:
1. 槍手一定迫你在官方電視發表承諾 (由總統／市長)，而官方發表係代表緊國家，一般都唔可以反口 (北韓除外)。2. 一個如斯混亂的國家，如果在談判中屈服，就會有無數對現實不滿者仿傚，成為不穩定因素。
--------------------------------------------
我的看法是：這絕對是一件政治事件。我的大膽假設是：其實跟本佢地主要都係想滅口，多過救人。
知唔知點解槍手個細佬會係 TV live 時被捕？明明勸大佬勸得好好地，仲要係 police 個邊請佢到現場勸大佬的。
外電話：係個槍手知道自己死梗，所以想借細佬把口，爆佢前老細大獲， 所以有人見到唔對路，即刻下逮捕令。
當一件「工具」唔 function，甚至會傷害到自己，就要除之而後快～ 客觀 D 諗下：如果唔係當權者身有屎，當住電視直播，你點敢當面拉人封艇？
仲有其實個槍手解開司機手扣，叫佢喳走架車個原因係：佢個時都未有想殺晒 D 人，槍手轉地點，你 D police 所有 setup (燈光，command post，snipers etc...) 同 plan 都要 reset -> 我認為實情係：槍手其實想 buy time 再傾！！！
點知 police 個邊就射爆條呔，敢槍手都做過 police, 佢下意識明白到有人要 take action， 加上係個 TV 度睇到細佬被逮捕，細佬同傳媒爆料個 plan 已經失敗， 所以就開始發惡殺人，司機就係個時走甩左....
其實，不幸及不值的是：我認為 D 人其實係死係一個「不能爆的祕密」
同埋就算放佢楂車走，就算我唔 set road block，你唔通可以楂到架車去印尼咩？所以，其實重點其實係「滅口」，唔係救人。
陰謀論 D 講，個導遊都被手扣扣住同個槍手一齊，你估「做左壞事的當權者」怕唔怕槍手爆料比個導遊聽？通常人質釋放對住鏡頭都會有料爆的....
只有「死人的口是最能夠守祕密的」，況且你同槍手扣住，「唔覺意」射埋你真係「純屬不幸」
--------------------------------------------
無意撩動情緒，也請公平對待菲律賓人，更無意對逝者不敬，只是想分享一下看法。願逝者安息～

KittyLeung74

捉槍手弟弟&司機,話佢地係同謀,必判死刑,只想滅口!
唔去救人質,反而激怒槍手,而且向車放槍,根本不顧活口!
槍手已死,並掛於車門,仍放冷槍,根本就係滅口!

Prelude

Obviously saving the people is not their priority.
The guy was dead, and no one was trying to go into the bus asap to save dying people for 15 minutes, they rather walked around and waved.

It's interesting to see the report of their aftermath "investigation".