i know this will generate a lot of debates.
but at least this is a positive view against a lot of negative ones.
we can't argue a lot of the facts that's been presented !
新加坡地鐵在十二月十五日星期四晚上七時發生系統性故障，烏節路至金融中心嘅地鐵交通癱瘓五小時，下班人士怨聲載道，呢類事情如果在香港發生，地鐵總裁與主席一定被召到立法會，俾議員鬧到跪低。
新加坡與香港有全方位競爭，樣樣爭排名，國際商會在日內瓦發表之「世界最開放市場」排名，香港有 5.4分，排第一，新加坡有 5.3分，排第二，中國內地得 2.8分，排名五十七。另外在金融競爭力方面，香港超越紐約、倫敦，排第一名，新加坡排第四。
有人引用電視劇「天與地」（收視率二十三點，在 TVB係幾低嘅收視）內一句說話：「 This city is dying!」唱衰香港，令人諗起九七年回歸前美國《財富》雜誌嘅封面故事 The Death of Hong Kong，呢個故事當然錯到離晒譜。根據林奮強「黃金五十」嘅最新研究報告（網址 www.hkgolden50.org），香港有幾多指標係超越紐約、倫敦、新加坡嘅，譬如在「地鐵延誤機會率」方面，香港地鐵列車脫班率係 0.3%，低新加坡五倍，低於紐約四十九倍，低過倫敦十一倍。人均罪案數字方面，倫敦搶劫案高香港 48倍，強姦多香港 30倍，暴力罪案多香港 15倍，可見香港人出夜街比在倫敦安全得太多。享受美食方面，米芝蓮之全球唯一位於意大利境外嘅五星意大利餐廳就位於中環歷山大廈，香港有三星餐廳四間，二星十間，一星四十八間，比較之下，紐約有一星七家，二星九家，三星四十六家；倫敦一星二家，二星七家，三星四十六家，香港稱為美食之都，不算過份。 i think this is wrong, should be 3, 2 and 1star in that order.
諗唔到嘅，香港嘅藝術活動極受歡迎， 2011年之香港國際藝術展吸引入場人次 63000，參展畫廊 260，參展國家 38，與世界著名嘅巴塞爾藝術節 2011，倫敦藝術博覽會 2011相比，有過之而無不及。香港有乜嘢毫無競爭力呀，最差就係空氣質素，比新加坡差五成，香港未來新特首必須正視！林奮強嘅報告好長，有 145頁，睇完你會知道香港生機蓬勃與紐約、倫敦、新加坡相比，香港絕不輸蝕，係中國境內唯一有資格成為世界城市嘅大都會，點會 dying呀，直情會飛， flying呀！  | 
發表於 2011-12-24 21:15
| 
