如果有人讚你英文講得好.... 英文, 的, 香港人, 本地人

ayako

被當地人讚你英文講得好, 不是一件值得高興的事, 因為如果你英文真的很好, 是不會有人刻意地去讚你的. 試想想, 如果你跟新相識的友人聊天, 明知對方是香港人, 你會否煞有介事的讚對方廣東話好? 只有對老外, 又或是知道對方母語不是廣東話, 你才會這樣讚他吧. 同樣道理, 如果被人讚英文講得好, 即是對方已識穿你不是本地人, 說得不夠地道了, 那麼其實你的英文好極有限吧.

jiujiujiu

哈哈哈哈哈~ 又可能係wor~
但通常同我講我英文講得好個D, 都係波蘭佬囉(我做間間公司都好多波蘭人!) 可能佢地D英文實在太broken 啦~  

Nokia

又唔需要咁介懷嘅.

佢地咁講, 可能係因為知你嚟左唔係好耐, 同埋呢度實在有太多嚟左好幾年D 英文仲係非常有限公司嘅新移民啦.

華Dee

如果唔係响呢度長大，一定好大機會有口音架啦；地道英國人、美國人同澳洲人口音俚語咪一樣有d唔同。唔講加國口音唔代表英文唔好，人哋知道自己唔係地道人，當然期望無咁大，但當你做到(講/寫)比對方預期嘅好，對方稱讚你，都係一件開心事吖。何須諗到要同地道人去比，特意將自己比下去呢？

ayako

謝謝你們的回應~ 你地講得很好, 聽完之後我好過了很多....

我只是直覺本能地感到那讚美雖由衷但有點突兀,
當然你們的意見說得很好, 讚美可以是上對下, 也可以是下對上,
亦因這兒有太多人來了很久英文仍說得不好, 更認同不同國籍有不同口音,

我聽說TVB 有位女主播, 外表不像香港人, 但能說純正廣東話,
當然亦引起一陣迴響, 人們也會覺得她廣東話說得很好呀,
這是因為她的外表和語言能力有個落差,
又或者可以說一般人會將她的外表標籤為說外語的,
而聽到她一口流利的廣東話, 自然心裡都會有點錯愕.

情況可能就是這樣, 未必一定是明讚暗貶的,
就算是貶, 都是貶那些沒我們說得好的人吧....
那個讚, 其實還是應該欣然接受....

嘉嘉

謝謝你們的回應~ 你地講得很好, 聽完之後我好過了很多....

我只是直覺本能地感到那讚美雖由衷但有點突兀, ...
ayako 發表於 2012-6-16 22:51

咁樣只係因為唔係個個都知利君雅係香港土生o者~

同埋的確有好多香港人講野都有懶音，咬字正既唔係個個都可以囉

ayako

對呀, 即使她是土生土長, 基本上同香港人無分別, 但她的外表就給人錯覺, 那份落差是會令人特別留心, 我想說的是, 引發別人去讚另一個人語言能力好, 可能只因這種stereotype, 未必完全關那人說得怎麼樣事的...

嘉嘉

well~ 只可以講，向好既方面諗嘛~

mollinbaggio

我有一個識左超過十年既朋友,透過朋友的手機而不是他的手機說我的英文只去到ESL程度,我覺得他好可憎,知你英文好啦做Human Resource la.你尼d咁既香蕉收皮啦,你十一歲就過黎我十九歲先過黎.我好多西人朋友,同公司同事講英文毫無問題.你要羞辱我就用自己部電話.我唔覺得英文好是甚麼值得驕傲的一回事!

ayako

我唔覺得英文好是甚麼值得驕傲的一回事!
mollinbaggio 發表於 2012-6-16 23:43

呢句我完全同意....

所以只要溝通到, 無論是讚或彈, 其實都不需要刻意說出來,
既然都傾到計無問題的話, 大家的能力心照啦...

不過你個friend 又衰d... 識左十年都咁對你... 真係有d 過份...
放心, 我同你case 差不多, 我都係18歲先過美國讀左幾年大學,
畢左業就返左香港, 係上個月先再出國, 時間上你一定耐過我...

P.S. 大學期間, 我都試過被一印度籍女同學笑我英文差.... =.="