終於來到最後一次玩"咩你有無"...
其實真係有少少唔捨得...
雖然整體反應一般, 但係依然有幾位有心既網友捧場.
多謝你地既支持, 你地令我覺得我唔係做左d 無謂野呃post.
原來呢個game 係適合男仔玩多d, 因為幾位高手都係清一色男仔...
o係最後一集度, Wyman 話有得意有趣既獎品先令呢個節目成立,
所以要多謝綿花糖機, 最後多謝阿如, 阿禮, 阿金,
小谷既蛋糕, Vani, 輝仔, 有耳非文...
至於改名果度, 今集Wyman 終於幫楊太個仔正經地改返一個好名,
話叫楊小鈦或者楊笑鈦, 英文名就係siu taai yeung (小太陽)
昭仁就改叫楊明, 因根據堪虞學家分析過係會得到最好既命運既.
之後佢地話, 最後一句說話唔想係講拜拜, 唔想係報時來完結,
所以最後一句說話係"聖誕快樂"!!
今次呢個係一個迷你版, 得十題,
因為最後呢集Wyman 佢地係想一集入面做晒佢地節目既所有環節.
所以"咩你有無" 變成得返十題... 希望有人可以中晒啦~
==============================
咩！你有無？！ - 字頭：子
01. 係一句野來既, 通常一開始係"o拿", 十個字之內,
平時嘈鄰居投訴, 今日聖誕就放你一馬, 就講呢句
02. 咸野, 咸得來好文雅, 而你(女人)無既
03. 聖誕特備節目, 今晚, 如果你唔知問下你既菲籍家務助理
04. 難既, 免費入場, 唔駛錢, 少過五個字,
答案有個器官o係度既, 屈埋隻手指住自己
05. 狐狸大敵, 今次唔係人, 係物件, 聞到既
06. 算啦... 要算既野, 要來算既, 交比人算
07. 每日十分鐘, 十二個字
08. 係一個產品既宣傳句語, d 代言人全部戴住白手襪,
呢句說話好耐架啦, 美國五十年代開始, 香港七八十年代有,
而家都仲有, 阿葛(葛民輝), 八個字,
第二同第六個字一樣, 第三同第七個字一樣, 擺得落肚
09. [對聯的下聯, 愛得太遲既結果]
10. 死梗, 關跑馬地, 翁靜晶事, 五個字, 同雪糕店有關 |
發表於 2012-12-23 21:23
| 
