[香港新聞] LANEIGE歧視港人 是, 名牌, facebook, 香港人, 旺角

tiffiant

LANEIGE歧視港人



韓國護膚化妝品名牌LANEIGE旺角分店售貨員，向港客說了句：「香港人？咁全線冇晒喇！」觸發網上新一輪名店被指歧視港人風波，隨時重演去年萬人圍堵名店DOLCE ＆ GABBANA抗議場面。有香港地下樂隊女主音前晚在社交網站facebook留言，控訴在LANEIGE旺角分店購買聖誕套裝時遭「白眼」，指店員問她是港人還是內地人，在她答是港人後即告知無貨，認為是「揀客做」。該留言在facebook及多個討論區引爆的怒火，瞬間瘋傳，網民揚言罷買及發起下月十四日圍堵行動，嚇得LANEIGE昨午急急發出道歉聲明，解釋事件屬誤會，承諾會從事件學習改善，更強調品牌以香港為家，以服務香港人為榮。
昨凌晨開始，facebook多個不滿內地人侵吞香港資源及拒絕大陸化專頁廣傳一幅印有一名女網民前晚留言的截圖，有人以「LANEIGE侮辱港人事件」為題。該女網民留言指自己近日在旺角LANEIGE店有不快經歷，說早前替姨姨在香港購買某牌子護膚品聖誕套裝，有關套裝料快售罄，於是她走入店內向一名女售貨員了解是否有存貨，豈料對方竟問了句：「小姐，你係香港人定大陸人？」
網民發起情人節圍堵
女網民形容女售貨員問題「好爆」，於是冷冷的笑了一聲便答自己是香港人，接着該女售貨員就用理所當然的語氣回答：「哦，咁全線冇晒喇！」女網民指當時除了望着售貨員笑外，完全不懂反應。

記者昨曾向該女網民發送訊息，但截稿前未獲回應，根據其網上名稱，與香港地下樂隊M4女主音Co's Yung相同。

Co's Yung雖說得平淡，但一眾網民卻憤怒非常，留言、讚好、轉載及分享次數成千上萬。網民Candy揶揄LANEIGE應該搬到內地，這就毋須再問客人是港人還是內地人，有更多網民聲言之後會罷買LANEIGE，甚而要求品牌撤出香港，其中有網民發動下月十四日圍堵LANEIGE，但只屬個人呼籲，未見有具體細節。
LANEIGE急發道歉聲明
LANEIGE昨午發表道歉聲明，對事件引起消費者關注甚至不滿深表歉意。LANEIGE在旺角有五間分店，位於奧海城、新世紀廣場及朗豪坊等地，發言人說正調查事件，暫未知涉及哪間分店，惟已採取一系列措施補救，包括即時加強前線人員培訓，提升溝通技巧。據悉，該店員工昨全線取消休假處理事件。

發言人解釋，引起討論的優惠套裝早於去年十一月至本月二日公開發售，並率先推廣給香港顧客，到上月下旬開始安排部分優惠套裝予海外及內地顧客。換言之，女網民前往當日，給予港人的優惠已完結，因而惹起誤會。LANEIGE承認安排未盡完善，昨即恢復公開發售予所有顧客。

該公司稍後會要求前線員工每周隨機邀請一位香港顧客調查服務質素，估計每周訪問人次達一百五十人，並重申會吸取是次經驗作內部檢討，謹慎安排推廣活動，強調品牌以香港為家，近年更開始於大學設立獎學金回饋社會。

tiffiant

LANEIGE遭控訴歧視港人，拒絕出售聖誕套裝。


LANEIGE聖誕套裝的網上宣傳廣告。


網民大肆批評LANEIGE這次處理售賣聖誕套裝的手

加深中港矛盾
龍小姐（深圳遊客）：「我知道內地個人遊影響了中港兩地人民的感情，香港店舖營商如果不一視同仁，只會加深兩地人民矛盾。」


劉小姐（中四女生）：「大家都係中國人，顧客畀得起錢就應該賣畀佢，好容易令人聯想到係D＆G翻版

袁小姐（大專學生）：「依家好多名店都分彼此，香港人成日遭人白鴿眼，都習以為常啦，真係好唔公平。」

BiscottiGelato

? I dun understand why the have to split the promo between HKer vs Others? Odd.

chunsh

well, cos from the point of view of the sales helpers, we hk people are picky and like to do lots of researches to compare prices. that mean it is very likely that they do lots of work to server hk people but then still can't get the business from us.
and you know the mainlander's side with compare to us......

jiujiujiu

你估淨係Laneige 咩~ 有次我返HK, 入到黃埔莎莎, 根本無人serve 我, 但D姐姐仔一見到個D一個二個著住套拜壽西裝嘅強國人, 就好似Jurassic Park 入面D暴龍速龍咁湧埋去.... 我好辛苦先可以捉到個埋唔到去嘅姐姐仔, 佢個樣都好勉強架個陣, 但我左篤下右篤下, 指下呢樣指下個樣, 佢連口都未開黎sell 我, 我話我自己知道要咩, 跟手就買左5千幾蚊野, 個姐姐仔個樣當堂唔同晒.... 個姐姐仔立刻俾左好多sample 我呀, 而且, 我俾錢個陣, 個經理黎刻飄過黎, 又俾sample 又派卡片....... 我個日真係sample 多過買個D野呀! 跟住, 我每次經過個間莎莎, 個姐姐仔都飆出來同我搭訕..... 你話香港依家D sales 幾咁衰吖~ 隻眼淨係見到強人架咋!

peter236

? I dun understand why the have to split the promo between HKer vs Others? Odd.
BiscottiGelato 發表於 2013-1-14 13:54

好簡單， 如果啲香港人都認自己係中國人， 啲售貨員就會一視同仁。 有啲香港人唔認做中國人，喺自己將自己分開兩派，當自己係外國人, 啲售貨就會俾你外國人個promo.

reyes

睇"老表你好嘢"都睇到啦
而家個個都係為人民幣而服務

peter236

睇"老表你好嘢"都睇到啦
而家個個都係為人民幣而服務
reyes 發表於 2013-1-14 22:12

人民幣國際化，成為國際性主要儲備貨幣, 就係未來五至十年嘅主要計劃.

reyes

人民幣國際化，就係未來五至十年嘅主要計劃.
peter236 發表於 2013-1-14 22:18

遲下冇哂港幣, 只用人仔
岩唔岩聽

Purpleheart

其實個sales 問黎都白痴既, 個客一開口講野已經聽得出係香港人定大陸人啦, 以小妹多年工作經驗, 港女同大陸女仔講野既態度, 眼神, 語氣, 聲線, 說話用詞完全唔同, 同一條問題港女同大陸女既問法也不同, 不過個sales咁直接問個客可見得佢入世未深