|
|
受害女星啞忍 無線焗放生色魔
正因為苑瓊丹爆「鹹豬手」事件未有開名，惹起各方揣測，當中有八位男藝人因而受牽連。據知無線高層已確認疑兇身份，不過因未有受害女藝人挺身指證，被迫放生色魔！
自苑瓊丹在電台節目中大爆有鹹豬手藉故非禮女藝人後，惹起軒然大波，全城焦點都集中競猜誰是色魔真身！事件愈鬧愈大，無線高層忙於了解事件。據可靠消息透露，無線已確認鹹豬手真身，無奈礙於未有受害女藝人願意站出來「舉報」，只好被迫放生色魔。
還「疑犯」公道
掀起風波的苑仔，昨日到無線見樂易玲兼開工，她強調不會公開色魔身份，還直指事件純粹炒作：「當初做節目講娛樂係為開心，原則唔會開名，希望將殺傷力減到最低，引起咁大風波唔係我原意。我好唔明點解一件四個月前講事會炒作到咁。」她又表示沒有明言該男藝員是無同事，更笑言之前在電台中所講的疑兇特徵有真有假：「用黎混淆視聽嘛！邊一個一定唔會講，如果講出黎我都要封咪。」問到是否目擊鹹豬手「行兇」過程？她表示不會透露消息來源，並認為樂易玲接見自己十分合理：「公司想了解番件事！」她又表示無線不但未有叫她封嘴，樂易玲亦未有追問真兇身份。對於事件令男藝人無辜成為疑兇，她笑說：「冇計！衰在佢生得太靚仔、太高大威猛！要同佢講聲Sorry，都煩到佢！」
其後，苑仔接受《東張西望》訪問時表示，要向全港市民道歉：「我知個個都好努力估係邊個，浪費大家好多精神，唔好意思。我畀個貼士大家，個人係唔活躍於娛樂圈，雜誌寫八個全部都活躍，所以八個都唔係真！我都要同黃宗澤道歉，我之後播左佢首歌，好多人以為係佢，佢女友咁靚，點會係佢！你地估錯哂，辛苦大家！」
至於牽涉入事件的蔡子健，前晚傍晚時份在女助手陪同下現身電視城，他神情落寞、頭耷耷兼強顏歡笑，情緒明顯受困，不過仍禮貌停下腳步讓記者拍照，但卻不太願意回答問題，問到是否見藝員科及樂易玲？他說：「了解！」問到是否與其他嫌疑人物一起見高層？他即攤開雙手表示不知情，並謂早已回應了想回應的事，即匆匆離開。
向高層求助
無高層樂易玲則透露是蔡子健主動聯絡藝員部經理李文湘尋求了解及協助。對於苑仔澄清八位嫌疑人物皆不屬實，她認為事件有必要澄清：「依家除左我，下面既藝員經理都了解緊件事，個結論係娛樂新聞一則！由於所有傳聞中受害人都係包薪藝員，若果佢地受害，一定會通知經理人，咁耐都冇人講過，就知唔係真！」而袁彌明則說：「唔好講又唔講，咁好冇膽！佢（指苑仔）咁算點，牽連甚廣，有無辜人被拖落水，可能佢電台咁講係想為受害人挺身而出，一時口快。」 |
|
發表於 2009-2-4 11:33
| 
